الیکشن کمیشن کا فواد حسن فواد کو عہدے پر برقرار رکھنے کا فیصلہ

نگراں وفاقی وزیر فواد حسن فواد پر سیاسی وابستگی کا الزام درست نہیں، الیکشن کمیشن نگران وفاقی وزیر فواد حسن فواد کےخلاف درخواست پر محفوظ فیصلہ سنا دیا

مقدس فاروق اعوان جمعرات 28 دسمبر 2023 12:12

الیکشن کمیشن کا فواد حسن فواد کو عہدے پر برقرار رکھنے کا فیصلہ

اسلام آباد ( اُردو پوائنٹ اخبارتازہ ترین ۔ 28 دسمبر 2023ء ) الیکشن کمیشن نگران وفاقی وزیر فواد حسن فواد کےخلاف درخواست پر محفوظ فیصلہ سنا دیا ۔الیکشن کمیشن نے فواد حسن فواد کو عہدے پر برقرار رکھنے کا فیصلہ کیا ہے۔نگراں وفاقی وزیر فواد حسن فواد پر سیاسی وابستگی کا الزام ہے، الیکشن کمیشن نے فواد حسن فواد کے خلاف درخواست پر سماعت مکمل ہونے کے بعد فیصلہ محفوظ کیا تھا جو کہ آج سنایا دیا گیا۔

اس ضمن میں الیکشن کمیشن کی جانب سے درخواست گزار ایڈووکیٹ سید عزیز الدین کاکاخیل کو نوٹس بھی جاری کیا گیا تھا۔عزیز الدین کاکا خیل نے نگران کابینہ میں شامل فواد حسن فواد اور احد چیمہ کو ہٹانے کی درخواست دے رکھی ہے۔ درخواستگزار نے مبینہ جانبدار وزراء کو نگران وفاقی کابینہ سے ہٹانے کی استدعا کررکھی تھی۔

(جاری ہے)

گزشتہ ہفتے (16 دسمبر) کو الیکشن کمیشن آف پاکستان نے آزادانہ، منصفانہ اور شفاف عام انتخابات کا انعقاد یقینی بنانے کے لیے وفاقی کابینہ کے جانبدار اراکین کو ہٹانے کے لیے دائر درخواست پر نگران وزیر اعظم انوار الحق کاکڑ سمیت کابینہ کے دیگر اہم اراکین کو 19 دسمبر کے لیے نوٹس جاری کیا تھا۔

قبل ازیں سیکرٹری اسٹیبلشمنٹ ڈویژن نے کہا کہ احد چیمہ کو عہدے سے ہٹانے کا نوٹیفکیشن رات کو جاری ہو گیا ۔منگل کو احد چیمہ کو عہدے سے ہٹائے جانے کے معاملے پر چیف الیکشن کمشنر سکندر سلطان راجہ کی سربراہی میں 5 رکنی بینچ نے سماعت کی۔سیکریٹری اسٹیبلشمنٹ ڈویڑن انعام اللّٰہ الیکشن کمیشن میں پیش ہوئے۔ سیکرٹری انعام اللّٰہ نے کہا کہ احد چیمہ کو عہدے سے ہٹانے کا نوٹیفکیشن رات کو جاری ہو گیا ہے۔

چیف الیکشن کمشنر نے سوال کیا کہ یعنی احد چیمہ کو عہدے سے ہٹانے پر عملدرآمد ہو گیا ہی سیکرٹری اسٹیبلشمنٹ ڈویژن انعام اللّٰہ نے کہا کہ وزارت داخلہ نے آئی بی کی دہشت گردی کے واقعات پر رپورٹ جاری کی ہے، اسلام آباد میں امن و امان سے متعلق بھی رپورٹ ہے، الیکشن کمیشن ان دونوں افسران سے متعلق فیصلے پر نظرثانی کرے، وزارت داخلہ کی درخواست ہے کہ الیکشن کمیشن فیصلے پر نظرثانی کرے، وزارت داخلہ نے کہا ہے آئی جی اسلام آباد اور ڈی سی اسلام آباد کو برقرار رکھا جائے، وزیرِ اعظم نے آئی جی اور ڈی سی اسلام آباد کی ری پلیسمنٹ کے لیے کہا ہے۔