پنجاب میں انتخابی مہم کے دوران مانیٹرنگ ٹیموں کی ضابطہ اخلاق کی خلاف ورزیوں پر مانیٹرنگ جاری

بدھ 24 جنوری 2024 21:30

لاہور (اُردو پوائنٹ اخبارتازہ ترین - اے پی پی۔ 24 جنوری2024ء) پنجاب میں انتخابی مہم کے دوران مانیٹرنگ ٹیموں کی ضابطہ اخلاق کی خلاف ورزیوں پر مانیٹرنگ جاری ہے ۔مختلف مقامات سے جھنڈے ، بینرز ، بل بورڈزاور دیگر خلاف ضابطہ تشہیری موادکو اتار دیاگیا ۔امیدوارNA-79گوجرانوالہ احسان اللہ ورک کو ڈسٹرکٹ مانیٹرنگ افسر گوجرانوالہ نے نوٹس جار ی کیا اور27جنوری کو پیش ہونے کی ہدایات جاری کردی۔

(جاری ہے)

راولپنڈی سے امیدوار راجہ ندیم احمد کو خلاف ضابطہ تشہیر ی مواد آویزاں کرنے پر نوٹس جاری کیا گیا۔ اسی طرح امیدوار NA-175مظفر گڑھ جمشید احمد دستی ، امیدوار این اے 185 ڈی جی خان زرتاج گل کو بھی نوٹس جاری کیا گیا ہے۔امیدوار پی پی 282لیہ اسامہ اصغر کو بغیر اجازت جلسہ منعقد کرنے پر نوٹس جاری کیا گیا۔صوبائی الیکشن کمشنر پنجاب اعجاز احمد چوہان نے کہا ہے کہ مانیٹرنگ افسران کسی بھی سیاسی دباو کو ملحوظ خاطر نہ لائیں ۔