پی ٹی آئی کے بیشتر امیدواروں نے ضمانت میں توسیع کیلئے عدالت سے رجوع کرلیا

ہفتہ 3 فروری 2024 21:46

اسلام آباد(اُردو پوائنٹ اخبارتازہ ترین - آن لائن۔ 03 فروری2024ء) 8 فروری کو ہونے والے عام انتخابات میں پاکستان کی بڑی سیاسی جماعتوں میں سے پاکستان تحریک انصاف (پی ٹی آئی) نے سب سے زیادہ خواتین امیدواروں کو میدان میں اتارا Uکراچی کے علاقے تین تلوار پر ہنگامہ آرائی اور پولیس اہلکاروں پر تشدد کے الزام میں پی ٹی آئی کے بیشتر امیدواروں نے ضمانت میں توسیع کے لیے دوبارہ عدالت سے رجوع کرلیا۔

اس حوالے سے سندھ ہائیکورٹ نے بیرسٹر عزیر علی سمیت دیگر کی حفاظتی ضمانت میں توسیع کی درخواست مسترد کردی۔

(جاری ہے)

عدالت کی جانب سے کہا گیا ہے کہ 30 جنوری کو 6 دن کے لیے تمام ملزمان کی حفاظتی منظور کی گئی تھی، چھ دن میں متعلقہ عدالت سے رجوع کرنے سے پہلے دوبارہ ہائیکورٹ سے رجوع کرلیا گیا۔علاوہ ازیں عدالت نے عدم پیشی پر پی ٹی آئی کارکن خالد کی درخواست ضمانت مسترد کردی جبکہ این اے 234 سے امیدوار فہیم خان کی 10 جنوری تک حفاظتی ضمانت منظور کرلی۔واضح رہے کہ 28 جنوری کو کلفٹن میں تین تلوار پر پی ٹی آئی رہنماوں اور کارکنان کے احتجاج کے بعد فائرنگ اور ہنگامہ آرائی کے الزام میں 5 ہزار کارکنوں کے خلاف انسداد دہشت گردی اور دیگر 11 دفعات کے تحت مقدمہ درج کیا گیا تھا۔