خیبرپختونخوا میں انتخابی ضابطہ اخلاق کی خلاف ورزیوں پر جرمانہ

مانیٹرنگ افسران نے ضابطہ اخلاق کی خلاف ورزیوں متعدد امیدواروں کو وارننگ نوٹسز جاری کر دیئے

پیر 5 فروری 2024 20:48

اسلام آباد (اُردو پوائنٹ اخبارتازہ ترین - آن لائن۔ 05 فروری2024ء) خیبرپختونخوا میں انتخابی ضابطہ اخلاق کی خلاف ورزیوں پر جرمانوں کا سلسلہ جاری ہے۔ الیکشن کمیشن کی جانب سے مقرر کردہ ڈسٹرکٹ مانیٹرنگ افسران نے صوبہ خیبر پختونخواہ میں ضابطہ اخلاق کی خلاف ورزیوں کے واقعات کا نوٹس لے کر متعدد امیدواروں کو وارننگ نوٹسز جاری کئے ہیں۔چئیرمین تحصیل کونسل صوابی عطائ اللہ کو نوٹس جاری کر کی5 فروری کو دن 11 بجے طلب کیا گیا۔

محکمہ لائیوسٹاک اور محکمہ زراعت، ضلع ٹانک کے حکام، کو اہلکاران مختیارخان اور عبدالقیوم پرکڑی نظر رکھنے کی ہدایت دی گئی۔چئیرمین تحصیل کونال سرائے نورنگ لکی مروت کو 5 فروری کو طلب کیا گیا۔این اے 41 لکی مروت عثمان سیف اللہ کو 12 فروری کو طلب کیا گیا ہے۔

(جاری ہے)

چئیرمین تحصیل کونسل شمالی وزیرستان پر 20 ہزار روپے جرمانہ عائد کیا گیا۔پی کے 101 بنوں سیامیدوار پیر واجد علی شاہ کو 5 ہزار روپے جرمانہ کیا گیا۔

پی کے 102 مسلم لیگ ن سے امیدوار میاں سمیع اللہ شاہ کو 5 ہزار روپے جرمانہ کیا گیا۔پی کے 99 مسلم لیگ ن کے امیدوار غنی رحمان کو 6 فروری کو طلب کیا گیا ہے۔چئیرمین نیبرہڈ کونسل عارف خان کو 5 ہزار روپے جرمانہ کیا گیا۔چئرمین ویلیج کونسل مردو خیل شاہ آیاز اللہ کو 5 ہزار روپے جرمانہ کیا گیا۔چئیرمین ویلیج کونسل پائی ٹانک محمد سلیمان اورچئیرمین نیبرہڈ کونسل ٹاٹر ٹانک پر فی کس 10 ہزار روپے جرمانہ عائد کیا گیا ہے۔صوبہ بھر میں انتخابی مہم کی مانیٹرنگ کا مربوط نظام بھرپور طریقے سے فعال ہے۔…. اعجاز خان