محکمہ موسمیات کی 17 سے 21 فروری تک ملک کے مختلف حصوں میں بارش کی پیشگوئی کردی

جمعرات 15 فروری 2024 16:39

اسلام آباد(اُردو پوائنٹ اخبارتازہ ترین - آن لائن۔ 15 فروری2024ء) محکمہ موسمیات کی 17 سے 21 فروری تک ملک کے مختلف حصوں میں بارش کی پیشگوئی کر دی ،متعلقہ اداروں کو الرٹ جاری کر دیا گیا ،موسلا دھار بارشوں کے دوران سیاحتی مقامات کا رخ کرنے والے شہریوں کو لینڈ سلائڈنگ کے خدشات سے محتاط رہنے کی ہدایت کر دی ،محکمہ موسمیات کے مطابق 17 سے 21 فروری تک ملک کے بالائی اور وسطی علاقوں میں بارش متوقع ہے،مغربی ہواوں کا سلسلہ 17 فروری سے ملک کے مغربی علاقوں میں داخل ہو گا ،17 سے 21 فروری کے دوران اسلام آباد راولپنڈی مری اور گلیات میں وقفے وقفے سے موسلا دھار بارش کا امکان ہے،17 سے 21 فروری کے دوران گلگت بلتستان کشمیر کوٹلی بھمبر میرپور اور باغ میں بارش اور پہاڑوں پر برفباری متوقع ہے،17 سے 21 فروری کے دوران دیر سوات ہری پور ایبٹ آباد کوہستان کرک پشاور اور باجوڑ میں موسلا دھار بارش کا امکان ہے،18 سے 19 فروری کے دوران بلوچستان کے مختلف اضلاع میں موسلا دھار بارش متوقع ہے۔