صوفیانہ کلام کی مایہ ناز گلوکارہ عابدہ پروین کی سالگرہ (کل) منائی جائے گا

پیر 19 فروری 2024 19:09

مکوآنہ(اُردو پوائنٹ اخبارتازہ ترین - آن لائن۔ 19 فروری2024ء) سروں کی ملکہ اورصوفیانہ کلام کی مایہ نازگلوکارہ عابدہ پروین کی سالگرہ(کل) منگل 20 فروری کو منائی جائے گا۔ وہ 20فروری 1954 میں لاڑکانہ میں پیدا ہوئیں۔عابدہ پروین کے والداستادغلام حیدرمعروف موسیقار تھے جو ان کے موسیقی کے استادبھی تھے۔انہوں نے 1977میں ریڈیو پاکستان حیدرآبادسے گلوکاری کاآغازکیا۔

(جاری ہے)

عابدہ پروین نے ممتازصوفی شعرائبابابلھے شاہ ،امیرخسرو،شاہ عبدالطیف بھٹائی، سچل سرمست، بھگت کبیر اوردیگر شعرا کے کلام گائے۔عابدہ پروین کوستارہ امتیاز، ہلال امتیاز اور لطیف ایوارڈسمیت متعدداعزازات سے نوازاگیا ہے۔ عابدہ پروین کی سالگرہ کے موقع پر شوبز انڈسٹری سمیت مختلف مکتبہ ہائے فکر سے تعلق رکھنے والے اداروں اور تنظیموں کی جانب سے پروگرامز کا انعقاد کیا جائے گا۔