نئے چیئرمین سینیٹ کیلئے یوسف رضا گیلانی فیورٹ امیدوار قرار

مسلم لیگ (ن)اور پیپلز پارٹی میں حکومت سازی کا فارمولہ طے پانے کے بعد چیئرمین سینیٹ سے متعلق مشاورت شروع ہوگئی

بدھ 21 فروری 2024 19:40

نئے چیئرمین سینیٹ کیلئے یوسف رضا گیلانی فیورٹ امیدوار قرار

اسلام آباد (اُردو پوائنٹ اخبارتازہ ترین - این این آئی۔ 21 فروری2024ء) مسلم لیگ (ن)اور پیپلز پارٹی میں حکومت سازی کا فارمولہ طے پانے کے بعد چیئرمین سینیٹ سے متعلق مشاورت شروع ہوگئی۔

(جاری ہے)

ذرائع کے مطابق وزیراعظم کے لیے شہباز شریف اور صدر کیلئے آصف علی زرداری کا نام فائنل ہوگیا، ذرائع کے مطابق سابق وزیراعظم یوسف رضا گیلانی چیئر مین سینٹ کیلئے موسٹ فیورٹ امیدوار ہیں، انہیں سینیٹر منتخب ہوئے 3 سال ہوئے ہیں اور اتنی ہی مدت باقی رہتی ہے۔

ذرائع کے مطابق چیئرمین سینیٹ بننے کی صورت میں یوسف رضا گیلانی کو قومی اسمبلی کی سیٹ چھوڑنی پڑے گی۔ذرائع کے مطابق یوسف رضا گیلانی کی نشست پر ان کے صاحبزادے ضمنی الیکشن میں حصہ لیں گے۔یاد رہے کہ این اے 148 ملتان 1 سے یوسف رضا گیلانی67 ہزار 326 ووٹ لے کر کامیاب ہوئے ہیں جبکہ ان کے مقابل آزاد امیدوار تیمور الطاف ملک نے 67 ہزار 33 ووٹ لیے تھے۔