ملک کے زیادہ تر علاقوں میں اگلے 48 گھنٹوں میں شدید بارشوں کی توقع

ہفتہ 2 مارچ 2024 22:10

اسلام آباد(اُردو پوائنٹ اخبارتازہ ترین - آن لائن۔ 02 مارچ2024ء) ملک کے زیادہ تر علاقوں میں اگلے 48 گھنٹوں میں معتدل سے شدید بارشوں کی توقع ہے، نیشنل ڈیزاسٹر مینجمنٹ اتھارٹی کے نیشنل ایمرجنسی آپریشن سینٹر نے پیشگوئی کی ہے کہ بعض مقامات پر آندھی اور پہاڑی علاقوں میں برفباری کا امکان ہے، اگلے 12 سے 24 گھنٹوں میں ملک کے شمالی علاقوں سمیت خیبرپختونخوا، گلگت بلتستان، آزاد جموں و کشمیر، بالائی اور وسطی پنجاب میں معتدل سے شدید بارش کی توقع ہے۔

برفباری کی توقع بھی ہے۔بیشتر علاقوں میں پر آندھی اورڑالہ باری کا امکان ہے، اگلی بارشوں کا سلسلہ 5 مارچ سے 7 مارچ تک کے درمیان متوقع ہے، بلوچستان کے ساتھ ساتھ خیبر پختونخوا، کشمیر، گلگت بلتستان اور پنجاب کے بالائی علاقوں کو متاثر کر سکتا ہے، پنجاب کے جنوبی علاقوں میں بھی کچھ علاقوں میں بارش کا امکان ہے، یہ نظام سندھ کے شمال مغربی علاقوں میں بارش کے امکانات کو بڑھا سکتا ہے، این ڈی ایم اے نے تما م متعلقہ اداروں کو ایڈوائزری ایشو کر دی ہے۔

(جاری ہے)

این ڈی ایم اے نے ہنگامی صورتحال سے نمٹنے کیلئے عملے اور سامان کی پیشگی فراہمی یقینی بنانے کی ہدایت کی ہے ۔این ڈی ایم اے تمام متعلقہ اداروں کے ساتھ رابطے میں ہے اور صورتحال کا جائزہ لیا جا رہا ہے، مسافروں اور سیاحوں سے گزارش ہے کہ وہ سیلابی اور لینڈ سلائیڈنگ والے علاقوں میں جانے سے پرہیز کریں، اربن فلڈنگ کے اندیشے کے پیش نظر ضروری اقدامات کیے جائیں۔