الیکشن کمیشن نے قانون کے تحت مخصوص نشستوں کا فیصلہ کیا ، قمرزمان کائرہ

بدھ 6 مارچ 2024 17:01

اسلام آباد (اُردو پوائنٹ اخبارتازہ ترین - این این آئی۔ 06 مارچ2024ء) پاکستان پیپلز پارٹی کے سینئر رہنما قمر زمان کائزہ نے کہا ہے کہ الیکشن کمیشن آف پاکستان نے قانون کے تحت مخصوص نشستوں کا فیصلہ کیا، سپریم کورٹ نے حکم دیا تو مخصوص نشستیں واپس ہو جائیں گی۔

(جاری ہے)

اپنے بیان میں انہوں نے کہا کہ مخصوص نشستیں سنی اتحاد کونسل کو مل بھی جائیں تو صدارتی انتخاب پر اثر نہیں پڑے گا، بلاول بھٹونے 9 مئی پرجوڈیشل کمیشن بنانیکی پیشکش نہیں کی تجویزدی ہے، پاکستان تحریک انصاف (پی ٹی آئی) بات کرنے کے لیے رضامند نہ ہوئی تو معاملات آگے نہیں بڑھ سکتے۔

قمر زمان کائرہ نے کہا کہ اگر پی ٹی آئی کوکمیشن کا فیصلہ تسلیم نہ ہوا تو پھر اس کابھی فائدہ نہیں ہوگا، صدارتی انتخاب میں ووٹ کے لیے متحدہ قومی موومنٹ پاکستان (ایم کیو ایم پاکستان) سے بھی رابطہ کیا ہے۔