ایران کے اسرائیل پر ممکنہ حملے کے پیش نظرمغربی فضائی کمپنیوں نے پروازیں معطل کردیں
سعودی عرب، متحدہ عرب امارات، قطر اور عراق تہران کو کشیدگی کو کم کرنے پر آمادہ کریں. امریکہ کے مشرق وسطیٰ کے ایلچی بریٹ میک گرک کاوزراءخارجہ سے رابط
میاں محمد ندیم جمعہ 12 اپریل 2024 00:11
(جاری ہے)
تہران کی جانب سے یکم اپریل کو اسرائیلی جنگی طیاروں کی جانب سے شام کے دارالحکومت دمشق میں واقع ایرانی سفارت خانے پر بمباری کرنے کا الزام عائد کیا گیا تھا جس کے بعد سے خطے کی صورتحال کشیدہ ہے ایرانی روحانی لیڈر آیت اللہ علی خامنہ ای نے عید الفطر کے موقع پر اپنی تقریر میں شام میں ایرانی جنرلز کی ہلاکت پر اسرائیل کے خلاف انتقامی کارروائی کرنے کے اپنے عزم کا اعادہ کرتے ہوئے کہا تھاکہ اسرائیل کو اس حملے کے لیے سزا ملنی چاہیے اور ایسا ہو گا. حملے میں ایرانی پاسداران انقلاب کے سات ارکان ہلاک ہوئے تھے جن میں اس کی ایلیٹ یونٹ قدس فورس کے ایک سینئر کمانڈر بھی شامل تھے آیت اللہ خامنہ ای کے جواب میں اسرائیلی وزیر خارجہ اسرائیل کاٹز نے کہا کہ اگر ایران نے اپنی سرزمین سے اسرائیل کے خلاف کوئی کارروائی کی تو اس پر براہِ راست حملہ کیا جائے گا. اسرائیل نے دمشق پر حملے کے پیچھے ہونے کی تصدیق نہیں کی تاہم ایران کا کہنا ہے کہ اس کے پاس ناقابل تردیدشواہد ہیں کہ حملہ اسرائیل کی جانب سے کیا گیا. امریکی نشریاتی ادارے کے مطابق جرمن فضائی کمپنی لفتھانزا نے کہا ہے کہ اس نے تہران سے پروازوں کی آمد و رفت کی معطلی میں دو دن کی توسیع کر کے ممکنہ طور پر 13 اپریل تک پروازیں معطل کر دی ہیں ایئرلائن کے ترجمان نے کہا کہ اس نے گزشتہ اختتام ہفتہ فرینکفرٹ سے تہران کے لیے فلائٹ معطل کرنے کا فیصلہ کیا تھا تاکہ عملے کو تہران میں رات گزارنے کے لیے اترنے سے بچایا جا سکے. لفتھانزا اور اس کی ذیلی کمپنی آسٹرین ایئر لائنز تہران کے لیے پرواز کرنے والی صرف دو مغربی ایئرلائنز ہیں، جہاں زیادہ ترترکی اور مشرق وسطیٰ کی ایئر لائنز خدمات انجام دیتی ہیں آسٹرین ایئر لائنز ہفتے میں چھ بار ویانا سے تہران کے لیے پرواز چلاتی ہے اس کا کہنا ہے کہ ایئرلائن اب بھی جمعرات کو پرواز کرنے کا ارادہ کر رہی ہے لیکن رات بھر کے وقفے سے بچنے کے لیے اوقات کو ایڈجسٹ کر رہی ہے تہران کے لیے پرواز کرنے والی دیگر بین الاقوامی ایئر لائنز کی جانب سے فوری طور پر کوئی بیان سامنے نہیں آیا شمالی امریکہ میں امارات اور قطر ایئرویز کی پروازوں کے لیے ایرانی فضائی حدود بھی ایک اہم اوور فلائٹ روٹ ہے. امریکی جریدے ”بلومبرگ“ نے گزشتہ روز امریکی اور اسرائیلی سیکیورٹی ذرائع کا حوالہ دیتے ہوئے رپورٹ کیا تھا کہ امریکہ اور اس کے اتحادیوں کا خیال ہے کہ اسرائیل میں فوجی اور حکومتی اہداف کے خلاف ایران یا اس کے پراکسیز کی طرف سے بڑے میزائل یا ڈرون حملے عنقریب ہونے والے ہیں. امریکی محکمہ خارجہ نے کہا کہ امریکی وزیر خارجہ انٹنی بلنکن نے اسرائیلی وزیر دفاع یوو گیلنٹ کے ساتھ ایک کال میں واضح کیا کہ امریکہ ایران کے کسی بھی خطرے کے خلاف اسرائیل کے ساتھ کھڑا رہے گا صدر بائیڈن نے بھی کہا ہے اسرائیل کی امداد کے لیے کے ہمارا عزم آہنی ہے انہوں نے کہا کہ ایران اپنے قونصل خانے پر حملے کے جواب میں اسرائیل کے خلاف کارروائی کی دھمکی دے رہا ہے اور اسرائیل کے لیے ہماری امداد اور عزم آہنی ہے. امریکہ کے مشرق وسطیٰ کے ایلچی بریٹ میک گرک نے سعودی عرب، متحدہ عرب امارات، قطر اور عراق کے وزرائے خارجہ کو فون کیا اور ان سے کہا کہ وہ ایران کو ایک پیغام پہنچانے کے لیے اس پر زور دیں کہ وہ کشیدگی کو کم کرے جبکہ ایران کی وزارت خارجہ نے کہا کہ ان ممالک نے ایرانی وزیر خارجہ حسین امیرعبداللہ یان سے فون پر بات کی ہے.
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.