پ*کراچی میں ایم کیو ایم پاکستان کی عہدیدار سے ڈاکو پرس چھین کر فرار

اتوار 14 اپریل 2024 19:10

- کراچی(اُردو پوائنٹ اخبارتازہ ترین - آن لائن۔ 14 اپریل2024ء) ناظم آباد ملٹی چوک کے قریب بزرگ خاتون سے ڈاکو پرس چھین کر فرار ہوگیا،بزرگ خاتون سے ڈاکو کی چھینا جھپٹی کی واردات کی دل دہلا دینے والی سی سی ٹی وی فوٹیج سامنے آگئی۔بزرگ خاتون جیسے ہی گھر کے قریب پہنچی تو موٹر سائیکل سوارڈاکو بزرگ خاتون کے پرس پر جھپٹا مار دیتا ہے ڈاکو کے بیگ چھیننے کے دوران خاتون سر کے بل زمین پرگر جاتی ہیں ،خاتون کا سر زمین پر لگنے کے باعث وہ بے ہوش ہو گئیں، متاثرہ بزرگ خاتون سابق جیل سپرنٹنڈنٹ کی بھانجی اور ایم کیو ایم پاکستان کی اہم عہدے دار بھی ہیں۔

فوٹیج میں بزرگ خاتون کو گلی سے گزرتے ہوئے جبکہ موٹرسائیکل سوارڈاکو کو پہلے گلی کے دو چکرلگاتے ہوئے بھی دیکھا جا سکتا ہے۔

(جاری ہے)

بزرگ خاتون جیسے ہی گھر کے قریب پہنچیں تو موٹر سائیکل سوارڈاکو بزرگ خاتون کے پرس پر جھپٹا مار دیتا ہے۔ڈاکو بیگ چھین کر فرار ہو نے میں کامیاب ہو گیا۔ خاتون کو گلی میں موجود لوگوں نے بے ہوشی کی حالت میں اٹھا کر اسپتال منتقل کیا۔

ان کے سر اور کہنی پر شدید چوٹیں آئی ہیں۔بزرگ کی شناخت شاہینہ سہیل کے نام سے کی گئی جو سابق جیل سپرنٹنڈنٹ جمیل احمد صدیقی کی بھانجی اور ایم کیو ایم پاکستان کی اہم عہدے دار بھی ہیں۔ایس ایس پی سینٹرل ذیشان صدیقی کے مطابق واقعہ ہفتے کی شام پیش آیا جس کے بعد سے پولیس متاثرہ خاتون سے رابطے میں ہے اور کوشش کر رہی ہے کہ جلد از جلد واردات میں ملوث ملزمان کا سراغ لگا کر ملوث ملزم کو گرفتار کیا جاسکے۔