خیبر پختونخوا میں مطلع جزوی طور پر ابر آلود رہے گا ، محکمہ موسمیات

پیر 29 اپریل 2024 22:32

پشاور(اُردو پوائنٹ اخبارتازہ ترین - این این آئی۔ 29 اپریل2024ء) محکمہ موسمیات نے بتایا ہے کہ خیبر پختونخوا میں مطلع جزوی طور پر ابر آلود رہے گا ۔ محکمہ موسمیات نے آئندہ چوبیس گھنٹوں کے دوران صوبے کے مختلف اضلاع میں مزید بارشوں کی پیش گوئی کی ہے۔محکم موسمیات کے مطابق خیبر پختونخوا میں مطلع جزوی طور پر ابر آلود رہے گا ۔ پشاور ، مردان ، چارسدہ ، نوشہرہ ، صوابی، چترال ، دیر ، مالاکنڈ ، سوات ، بونیر ، شانگلہ ، بٹگرا م ، تورغر، کوہستان ، ایبٹ آباد ، ہری پور ، کوہاٹ،بنوں ، لکی مروت ، ٹانک ، ڈی آئی خان ، باجوڑ ، مہمند ، خیبر ، کرم ، اورکزئی ، شمالی و جنوبی وزیرستان میں آئندہ چوبیس گھنٹوں کے دوران مزید بارشوں کا امکان ہے ۔

جبکہ صوبے کے چند ایک مقامات پر ڑالہ باری کا امکان ہے۔

(جاری ہے)

۔با رشوں کے باعث مقامی ندی نالوں میں طغیانی اور لینڈ سلائیڈنگ کا خدشہ ہے ۔ جس کے پیش نظر تمام متعلقہ اداروں کو حفاظتی اور ضروری اقدامات کرنے کی ہدایات جاری کر دی گئی ہیں۔۔ گذشتہ روز سب سے زیادہ بارش سید و شریف میں 41 ملی میٹر ریکارڈ ہوئی ۔ دیر میں 32، تیمر گرہ میں 30،پشاور میں 24 ، دروش میں 27 ملی میٹر بارش ریکارڈ ہوئی۔۔ پشاور کا کم سے کم درجہ حرارت 16 ڈگری سینٹی گریڈ ریکارڈ کیا گیا ۔ سب سے کم درجہ حرارت کالام میں 1 ، مالم جبہ میں 3 ڈگری سینٹی گریڈ ریکارڈ کیا گیا۔