: امریکی یوٹیوبر انتھونی ویلا پیراگلائیڈنگ حادثے میں شدید زخمی ہوگئے

یوٹیوبر کو حادثہ اس وقت پیش آیا جب وہ پیرا گلائیڈنگ کیلئے ایک نئی مشین کو ٹیسٹ کررہے تھے

منگل 30 اپریل 2024 10:35

واشنگٹن(اُردو پوائنٹ اخبارتازہ ترین - این این آئی۔ 30 اپریل2024ء) امریکی یوٹیوبر انتھونی ویلا پیراگلائیڈنگ حادثے میں شدید زخمی ہوگئے اور حادثے کی ویڈیو بھی سامنے آگئی۔انتھونی ویلا نے اپنے یوٹیوب اکاؤنٹ پر ایک ویڈیو اپلوڈ کی ہے جس میں اسپتال کے بیڈ سے حادثے کی تفصیلات بتاتے ہیں۔

(جاری ہے)

حادثے میں یوٹیوبر کی گردن میں فریکچر ہوا، ان کی کمر کی ہڈی کو نقصان ہوا جب کہ متعدد زخم آئے ہیں۔یوٹیوبر کو حادثہ اس وقت پیش آیا جب وہ پیرا گلائیڈنگ کیلئے ایک نئی مشین کو ٹیسٹ کررہے تھے اور تقریبا سو فٹ بلندی سے گر کر وہ زمین سے جا ٹکرائے۔انتھونی ویلا ایک امریکی فوجی ہیں جنہوں نے افغانستان میں بھی ڈیوٹی کی ہے اور وہ یوٹیوب سے فضائی شعبے کو پروموٹ کررہے ہیں۔