محسن نقوی کی بطور چیئرمین پی سی بی تقرری کے خلاف درخواست پرفیصلہ محفوظ

بدھ 25 جون 2025 21:50

اسلام آباد(اُردو پوائنٹ اخبارتازہ ترین - آن لائن۔ 25 جون2025ء)اسلام آباد ہائیکورٹ میں محسن نقوی کی بطور چیئرمین پاکستان کرکٹ بورڈ (پی سی بی) تقرری کے خلاف درخواست پر سماعت مکمل ہو گئی۔ قائم مقام چیف جسٹس سرفراز ڈوگر نے فریقین کے دلائل سننے کے بعد فیصلہ محفوظ کر لیا، درخواست گزار کے وکیل نے مؤقف اختیار کیا کہ محسن نقوی کی تقرری نگراں وزیراعظم نے کی جو کہ آئینی و قانونی طور پر اختیارات سے تجاوز تھا۔

(جاری ہے)

انہوں نے عدالت سے استدعا کی کہ محسن نقوی کی بطور چیئرمین پی سی بی تقرری کو غیر قانونی قرار دیا جائے۔دوسری جانب پی سی بی کے وکیل نے مؤقف اپنایا کہ محسن نقوی کی تقرری مکمل طور پر قانون کے مطابق ہوئی اور موجودہ وزیراعظم نے بھی اس پر کوئی اعتراض نہیں کیا۔ تقرری کے وقت تمام قانونی تقاضے پورے کیے گئے۔عدالت نے دلائل سننے کے بعد فیصلہ محفوظ کرتے ہوئے کہا کہ مختصر فیصلہ جلد جاری کر دیا جائے گا۔