پی سی بی کے زیر اہتمام سکلز ڈویلپمنٹ کیمپ کے دوسرے مرحلے کا تیسرا دن بھرپور سرگرمیوں کے ساتھ جاری رہا

بدھ 25 جون 2025 22:49

راولپنڈی (اُردو پوائنٹ اخبارتازہ ترین - اے پی پی۔ 25 جون2025ء) پی سی بی کے زیر اہتمام سکلز ڈویلپمنٹ کیمپ کے دوسرے مرحلے کا تیسرا دن بھرپور سرگرمیوں کے ساتھ جاری رہا۔ کھلاڑیوں نے کوچز کی زیر نگرانی نیٹ سیشن میں بھرپور حصہ لیا جہاں ان کی بیٹنگ اور باؤلنگ صلاحیتوں کو نکھارنے پر خصوصی توجہ دی گئی۔

(جاری ہے)

نیشنل کرکٹ اکیڈمی اور ایل سی سی اے گراؤنڈ میں کوچز نے انفرادی طور پر کھلاڑیوں کی کارکردگی کا جائزہ لیا اور ضروری تکنیکی رہنمائی فراہم کی۔

کیمپ کے دوران ڈائریکٹر ہائی پرفارمنس، عاقب جاوید نے بھی کھلاڑیوں کی ٹریننگ کا مشاہدہ کیا اور نوجوان ٹیلنٹ کو قیمتی مشورے دیئے۔ پی سی بی کے مطابق کیمپ کے شرکاء (کل) بروز جمعرات کو صبح کے سیشن میں فٹنس اور فیلڈنگ ڈرلز میں شرکت کریں گے جس کا مقصد کھلاڑیوں کی مجموعی فٹنس اور فیلڈنگ معیار کو بہتر بنانا ہے۔