ہمیں جمہوری حقوق کی بحالی ، شناخت کے تحفظ کیلئے اپنی جدوجہد تیز کرنا ہوگی، عمر عبداللہ

جمعہ 17 مئی 2024 13:34

سرینگر(اُردو پوائنٹ اخبارتازہ ترین - این این آئی۔ 17 مئی2024ء) بھارت کے غیر قانونی زیر قبضہ جموں و کشمیر میں نیشنل کانفرنس کے نائب صدر عمر عبداللہ نے لوگوں پر زور دیا ہے کہ وہ کشمیردشمن قوتوں کو مسترد کر دیں۔

(جاری ہے)

کشمیر میڈیاسروس کے مطابق عمر عبداللہ نے مختلف علاقوںمیں عوامی اجتماعات سے خطا ب کے دوران کہا کہ ہمیں جمہوری حقوق کی بحالی ، اپنی شناخت اور وقار کے تحفظ کیلئے جدوجہد میں تیزی لانا ہو گی ۔ انہوںنے کہا کہ اس وقت ہمیں سیاسی اورمعاشی غلامی کا سامنا ہے اور ہر ذی شعور کشمیری کا فرض ہے کہ اپنی ریاست کی حفاظت کرے۔