شاہد آفریدی ٹی ٹونٹی ورلڈکپ کے ایمبیسیڈر مقرر

سابق کپتان، یوراج سنگھ ، کرس گیل اور یوسین بولٹ کے ساتھ ایمبیسیڈرز کی فہرست میں شامل ہوئے

ذیشان مہتاب جمعہ 24 مئی 2024 13:39

شاہد آفریدی ٹی ٹونٹی ورلڈکپ کے ایمبیسیڈر مقرر

لاہور (اردو پوائنٹ تازہ ترین اخبار ۔ 24 مئی 2024ء ) پاکستان کرکٹ ٹیم کے سابق کپتان شاہد آفریدی کو آئی سی سی ٹی ٹونٹی ورلڈ کپ 2024ء کا ایمبیسیڈر مقرر کردیا گیا۔ آئی سی سی نے شاہد آفریدی کو ٹورنامنٹ ایمبیسیڈرز کی فہرست میں شامل کرنے کا اعلان کیا ہے۔ شاہد آفریدی ٹی ٹوئنٹی ورلڈ کپ فاتح ٹیم کے رکن اور پلیئر آف دی ٹورنامنٹ رہ چکے ہیں۔ شاہد آفریدی، یوراج سنگھ، کرس گیل اور یوسین بولٹ کے ساتھ ایمبیسیڈرز کی فہرست میں شامل ہوئے۔

(جاری ہے)

44 سالہ شاہد آفریدی نے کہا ہے کہ آئی سی سی ٹی ٹونٹی ورلڈ کپ میرے دل کے بہت قریب ہے، 2007ء کے پہلے ورلڈ کپ میں پلیئر آف دی ٹورنامنٹ رہا، 2009ء میں ٹرافی جیتی ، یہ میرے کیریئر کے قابل ذکر لمحات ہیں۔ سابق کپتان نے کہا ہے کہ میں 9 جون کو نیویارک میں پاک بھارت میچ دیکھنے کے لیے پُرجوش ہوں، یہ ایک دو بڑے حریفوں کا مقابلہ ہے اور نیویارک میں اس کو کوئی مِس نہیں کرے گا۔ واضح رہے کہ ٹی ٹونٹی ورلڈ کپ اگلے ہفتے سے امریکا اور ویسٹ انڈیز میں شروع ہوگا اور انگلینڈ کی ٹیم ٹائٹل کا دفاع کرے گی۔