میرپور خاص پولیس کی تین مختلف کامیاب کاروائیاں ملزمان گرفتار

میرپورخاص(اردو پوائنٹ اخبارتازہ ترین۔25 مئی 2024 ) میرپور خاص پولیس کی  تین مختلف  کامیاب کاروائیاں ، اقلیتی برادری کے ڈاکٹرز سے بھتہ مانگنے والے ملزمان گرفتار ،  میرپورخاص میں سرگرم موٹر سائیکلز چور گینگ سے چوری شدہ 06 مو ٹر سائیکل برآمد ، میرپورخاص کا بدنام زمانہ منشیات فروش گرفتار ۔
کاروائی نمبر 01
تفصیلات کے مطابق   اقلیتی برادری سے  تعلق رکھنے والے مالہی کالونی کے ڈاکٹر رائے چند ، ڈاکٹر  گاندھی اور  ڈاکٹر   تیجا رام  کو  مختلف حربوں سے بلیک میل  کرنے اور قتل کی دھمکی دینے والے دو ملزمان کو گرفتار کر لیا ،   ملزم عبدالستار شر   اور اسکا بھائی ڈاکٹر  رائے چند ، ڈاکٹر  گاندھی، ڈاکٹر   تیجا رام کو  سوشل میڈیاکے ذریعے  بلیک میل کر کے  مختلف اوقات میں بھتہ وصول کرتے رہے  البتہ کل  ڈاکٹر رائے چند ولد گنگا رام ذات میگواڑ   کی شکایت پر ملزمان ستار شر اور عبدالرزاق  شر کے خلاف مقدمہ درج کر کے  گرفتار کر لیا گیا۔

(جاری ہے)

اس سلسلے میں مقدمہ نمبر 26/2024 زیر دفعہ386,387,506II,34PPC, R/10 25D, Tele Graph Act 6/7 ATA Act,      کے اندراج کے بعد دونوں ملزمان کو انچارج سی ائی اے عنایت علی زرداری   کی سربراہی میں ،انچار ج ڈی  آئی بی  دانش بھٹی بمعہ ایس ایچ سیٹلائٹ ٹاون انسپکٹر غازی راجڑ اور ایس ایچ او مہران کامران ھالیپوٹو نے مشترکہ کاروائی کرتے ہوئے  نامزد ملزمان کو گرفتار کر لیا۔

گرفتار ملزمان سے مزید تفتیش جاری ہے ۔
کاروائی  نمبر 02
 انچارج سی آئی اے عنایت علی زرداری کی سربراہی میں ہمراہ  ٹیم  بشمول ایس آئی اقبال جٹ ، ایس آئی ھدایت اللہ ناریجو موٹر سائیکل چوروں کے خلاف مشترکہ اور کامیاب کرتے ہوئے غریب آباد تھانے کی حدود
ریلوے قبرستان کوارٹرز سےمیرپورخاص سٹی سے چوری ہونے والی 06 موٹر سائیکل برآمد کر کے 01   ملزم  پرویز ولد تھانو خان لغاری سکنہ تعلقہ کوٹ غلام محمد  کو گرفتار کر لیا.دو ملزمان  1نجف عرف نجو ولد لاہوتی لانگھانی سکنہ جام نواز علی ،  2 جاوید ولد غلام  نبی لانگھانی  رہائش جونیجو کوارٹر میرپورخاص فرار، فرار ملزمان کی گرفتاری کے لیے چھاپے مارے جارہے ہیں۔

کاروائی  نمبر 03
میرپورخاص پولیس نے ایک اور اہم کاروائی کرتے ہوئے  ایس ایچ او جھڈو کی سربراہی میں  بدنامہ زمانہ منشیات فروش نیاز عرف نیازو کھوسہ کو گرفتار کر لیا گیا،  ملزم نیاز عرف نیازو کھوسو ضلع بدین اور میرپورخاص کے درجنوں کیسسز میں ملوث ہے، ملزم  منشیات بالخصوص چرس کی بین الصوبائی اسمگلنگ میں ملوث رہا ہے، ملزم کے قبضے سے 1200 گرام چرس برآمد کر کے مقدمہ نمبر 60/2024 زیر دفعہ 9c    نارکوٹکس ایکٹ کے تحت  جھڈو  پر داخل کیا گیا۔

ملزم سے مزید تفتیش جاری ہے۔
میرپورخاص پولیس کی کامیاب کاروائیوں میں  شامل افسران انچارج سی آئی اے عنایت علی زرداری،انچارج  ڈی آئی بی ایس  آئی دانش احمد  بھٹی،   ایس آئی ھدایت اللہ ناریجو CIA ، ایس ایچ او ز سیٹلائیٹ ٹاون، مہران اور جھڈو کو بہترین کاروائی کرنے پر تعریفی اسناد دینے کا اعلان کیا۔