Live Updates

چیف آفیسر محمد طاہر فاروق کی زیرصدارت محکمانہ وصولیوں کی پراگرس متعلق اجلاس

اجلاس میں بجٹ ٹارگٹس کے مطابق ریکووری سٹاف کو وصولیوں کو تیز کرنے کی ہدایت

ہفتہ 1 جون 2024 15:08

کمالیہ(اُردو پوائنٹ اخبارتازہ ترین - این این آئی۔ 01 جون2024ء) چیف آفیسر محمد طاہر فاروق نے محکمانہ وصولیوں کی پراگرس کے متعلق اجلاس کی صدارت کی اجلاس میں میونسپل آفیسر فنانس حافظ مسعود جیلانی ،میونسپل آفیسر انفراسٹرکچر عمر نواز خان سمیت ریکووری سٹاف نے شرکت کی۔

(جاری ہے)

تفصیلات کے مطابق چیف آفیسر محمد طاہر فاروق نے واٹر ریٹ وصولی سمیت دیگر مدات کی آمدن کے سلسلہ میں ریکووری سٹاف کے ساتھ منعقدہ اجلاس کی صدارت کی۔

اجلاس میں میونسپل آفیسر فنانس حافظ مسعود جیلانی ،میونسپل آفیسر انفراسٹرکچر عمر نواز خان سمیت دیگر سٹاف نے شرکت کی۔چیف آفیسر محمد طاہر فاروق نے بجٹ ٹارگٹس کے مطابق ریکووری سٹاف کو وصولیوں کو تیز کرنے کی ہدایت کی۔انہوں نے کہا کہ غیر قانونی واٹر سپلائی کے کنکنشنز کو فوری کاٹا جائے اور نادہندگان کے خلاف قانونی کارروائی عمل میں لائی جائے۔