ایس ایچ او تھانہ سوہاوہ اور ڈومیلی اور ٹیم کی متعدد کاروائیاں ،مویشی چوری ، منشیات فروش ، ناجائز اسلحہ و دیگر مقدمات میں ملوث مجرم گرفتار

جہلم (اُردو پوائنٹ اخبارتازہ ترین۔ 07 جون2024ء) ایس ایچ او تھانہ  ڈومیلی اور ٹیم کی کاروائی میں مویشی چوری کے مقدمہ میں ملوث اشتہاری مجرم گرفتار، ڈومیلی پولیس نے کاروائی کرتے ہوئے ملزم بابر ندیم کو گرفتار کر لیا، ملزم سال 2023سے مویشی چوری کے مقدمہ میں ڈومیلی پولیس کو مطلوب تھا، ملزم گرفتاری سے بچنے کے لیے روپوش ہوگیا تھا، اشتہاری مجرمان کے خلاف بھر پور کریک ڈاؤن جاری ہے،ڈی پی او جہلم کی ایس ایچ او تھانہ دومیلی اور ٹیم کو شاباش۔

مزید براں سوہاوہ پولیس نے کاروائی کرتے ہوئے بدنام زمانہ منشیات فروش سجاد عرف سجو کو گرفتار کر لیا،ملزم کے قبضہ سے 1360 گرام چرس برآمد،جبکہ ایک اور کاروائی میں ملزم شوکت خان کو گرفتار کرتے ہوئے ملزم کے قبضہ سے پسٹل 30 بور اسلحہ ناجائز برآمد کر لیا گیا،ملزمان کے خلاف تھانہ سوہاوہ میں انسداد منشیات اور ناجائز اسلحہ آرڈیننس کے تحت الگ الگ مقدمات درج،امن عامہ کو برقرار رکھنے کے لئے جرائم پیشہ عناصر کے خلاف بلا تفریق کاروائیاں جاری ہیں، ڈی پی او جہلم ناصر محمود باجوہ
دوسری طرف ایس ایچ او تھانہ سوہاوہ اور ٹیم  کی فوری کاروائی،والد کو حراساں اور پریشان کر کے گھر میں محبوس کرنے والا ناخلف بیٹا اور پوتا گرفتار،میرا بیٹا محفوظ اور پوتا شمس مجھے ہراساں اور پریشان کر کے گھر سے نکالنا چاہتے ہیں، اکثر باہر تالا لگا کر گھر کے اندر محبوس کر دیتے ہیں،مدعی مقدمہ۔

(جاری ہے)

سوہاوہ پولیس نے والد کی درخواست پر مقدمے کا اندراج کرکے ملزمان محفوظ اور شمس کو گرفتار کرلیا، ملزمان کو قر ار واقعی سزا دلوانے کے لیے تمام قانونی تقاضے پورے کیے جائیں گے ،والدین کے حقوق کا تحفظ ہم سب کی قانونی اور مذہبی ذمہ داری ہے، جہلم پولیس والدین کا تحفظ یقینی بنانے کے لئے ہر لمحہ کوشاں ہے، ڈی پی او جہلم ناصر محمود باجوہ
ایس ایچ او تھانہ سوہاوہ اور ٹیم کی ناجائز اسلحہ کے خلاف موثر کاروائی، دوران گشت مشکوک اشخاص کو روک کر پڑتال کرنے پر اسلحہ ناجائز پسٹل معہ روند برآمد ہوئے،  پولیس تھانہ سوہاوہ نے ملزمان شفقت اور شہروز  کو گرفتار کر کے پابند سلاسل کر دیا، ملزمان کے خلاف الگ الگ مقدمات درج،امن عامہ کے قیام اور جرائم کی بیخ کنی کے لئے جہلم پولیس اسلحہ ناجائز کے خلاف موثر کریک ڈاؤن جاری رکھے ہوئے ہے،ڈسٹرکٹ پولیس آفیسر جہلم ناصر محمود باجوہ