ملتان،ریسکیو 1122 نے 24 گھنٹوں کے دوران 278 افراد کو ریسکیو کیا

منگل 11 جون 2024 20:40

ملتان (اُردو پوائنٹ اخبارتازہ ترین - اے پی پی۔ 11 جون2024ء) ریسکیو 1122 نے 24 گھنٹوں کے دوران ضلع ملتان میں مجموعی طور پر 293 میں سے 278 افراد کو ریسکیو کیا ۔ریسکیو ترجمان کے مطابق ان ایمرجنسیز میں ملتان شہر میں 280 جبکہ 08 شجاع آباد میں اور 05 ایمرجنسیز جلالپورپیروالہ میں پیش آئیں ،جن میں ٹریفک حادثات کی تعداد 89 ہے۔

(جاری ہے)

85حادثات ملتان میں جبکہ تین حادثات شجاع آباد اور ایک جلال پور پیر والا میں پیش آیا۔

علاوہ ازیں گزشتہ 24 گھنٹے کے دوران ریسکیو 1122 ملتان میں 159میڈیکل کی ایمرجنسیز میں مریضوں کو شہر کے مختلف ہسپتالوں میں شفٹ کیا گیا۔ 153 میڈیکل ایمرجنسیز ملتان میں پیش آئیں جبکہ 03 میڈیکل ایمرجنسیز شجاع آباد اور 03 میڈیکل کی ایمرجنسیز جلالپورپیروالہ میں اٹنڈ کی گئیں۔پانچ کرائم ایمرجنسیز سمیت25 متفرق ایمرجنسیز اٹنڈ کی گئیں۔