محکمہ فوڈ اتھارٹی شیخوپورہ کی ٹیم نے ایک ہزار لٹر مضر صحت دودھ کو تلف کر دیا

اختر رسول جنجوعہ جمعرات 13 جون 2024 17:05

شیخوپورہ( اُردو پوائنٹ اخبارتازہ ترین۔ 13 جون 2024ء ) ڈائریکٹر جنرل فوڈ اتھارٹی پنجاب محمدعاصم جاوید اورڈپٹی کمشنر شیخوپورہ ڈاکٹر وقار علی خان کی ہدایات پر پنجاب فوڈ اتھارٹی شیخوپورہ کی فوڈ سیفٹی ٹیمیں معیاری خوراک کی فراہمی کو یقینی بنانے کے لئے فیلڈ میں مکمل متحرک، ضلع بھر میں خوراک سے منسلک 80 سے زائد کاروباروں کا معائنہ کیا گیا،حفظان صحت کے اصولوں کی خلاف ورزی اور صفائی کے ناقص انتظامات پر 90 ہزار روپے سے زائد کا جرمانہ عائد کیا گیا، معیاری دودھ کی فراہمی کو یقینی بنانے کے لئے ضلع شیخوپورہ کے مختلف علاقوں میں چیکنگ کے دوران 64 ہزار لٹر دودھ کو چیک کیا گیا اور غیر معیاری 1ہزار 80 لیٹر دودھ کو موقع پر تلف کیا گیا جبکہ 12 سو لیٹر مشروبات اور بیکری پروڈکٹس وغیرہ کو موقع پر تلف کیا گیا اور متعدد فوڈ پوائنٹس کو اصلاحی نوٹس بھی جاری کیے گئے۔

(جاری ہے)

ڈپٹی کمشنر شیخوپورہ ڈاکٹر وقار علی خان نے پنجاب فوڈاتھارٹی کی مضرصحت اشیاءکی خریدوفروخت کرنے والوں کے خلاف کاروائیوں بارے گفتگوکرتے ہوئے کہا کہ عوام الناس کو صاف ستھری خوراک کی فراہمی پنجاب فوڈ اتھارٹی کی اولین ترجیح ہونی چاہیے، پنجاب فوڈ اتھارٹی ہمیشہ کی طرح لوگوں کو صاف ستھری اور معیاری خوراک کی فراہمی کے لیے دن رات کوشاں ہے۔