اسحا ق ڈار، رضا ربانی اورمشاہد حسین سیّد کی سینیٹرعرفان صدیقی کو مبارک باد

جمعرات 13 جون 2024 21:29

اسلام آباد(اُردو پوائنٹ اخبارتازہ ترین - آن لائن۔ 13 جون2024ء) ڈپٹی وزیر اعظم،وزیر خارجہ اور سینیٹ میں قائد ایوان سینیٹر اسحاق ڈار اور مشاہدحسین نے سینیٹر عرفان صدیقی کو سینیٹ کی خارجہ امور کمیٹی کا چیئرمین بننے پر مبارکباد دی ہے ۔

(جاری ہے)

عرفان صدیقی کے نام اپنے پیغام میں وزیرخارجہ اسحاق ڈار نے کہا کہ سینیٹر صدیقی کی سربراہی میں امور خارجہ کمیٹی وزارت خارجہ کے لئے بہتر راہنمائی کا ذریعہ بنے گی۔

سینیٹ کے سابق چیئرمین اور پیپلز پارٹی کے سینئر راہنما رضا ربانی نے بھی عرفان صدیقی کو مبارک باد دی اور نیک توقعات کا اظہار کیا۔سینیٹ قائمہ کمیٹی برائے امور خارجہ کے سابق چیئرمین سینیٹر مشاہد حسین سیّدنے بھی سینیٹر عرفان صدیقی کو مبارک باد دی اور اپنے پیغام میں کہا کہ وزارت امور خارجہ کے لئے عرفان صدیقی کی راہنمائی نہایت نتیجہ خیز ثابت ہو گی۔