بلوچستان کے بیشتر علاقوں میں16 تا 18 جون تک موسم گرم اور خشک رہنے کا امکان

ہفتہ 15 جون 2024 15:28

کوئٹہ (اُردو پوائنٹ اخبارتازہ ترین - اے پی پی۔ 15 جون2024ء) بلوچستان کے بیشتر علاقوں میں16 تا 18 جون تک موسم گرم اور خشک رہنے کا امکان ہے۔علاقائی موسمیاتی مرکز بلوچستان کے ترجمان کے جاری کردہ بیان کے مطابق 18 جون کو مغربی لہر ملک کے مغربی حصوں تک پہنچنے کا امکان ہے ، جس کی وجہ سے 16 سے 18 جون تک صوبے کے بیشتر علاقوں میں موسم انتہائی گرم اور خشک رہنے کا امکان ہے۔

(جاری ہے)

20 سے 22 جون تک کوئٹہ، ژوب، کوہلو، موسیٰ خیل، لورالائی، سبی، نصیر آباد، جعفر آباد، ڈیرہ بگٹی اور بارکھان میں گردو غبار اور گرج چمک کے ساتھ بارش کا امکان ہے۔ ہفتہ کو صوبے کے بیشتر اضلاع میں موسم زیادہ تر گرم اور خشک رہنے کا امکان ہے۔ تاہم ژوب، موسیٰ خیل، بارکھان، خضدار، لسبیلہ اور آواران میں آندھی اور گرج چمک کے ساتھ بارش کا امکان ہے۔اتوار کو صوبے کے بیشتر اضلاع میں موسم زیادہ تر گرم اور خشک رہنے کا امکان ہے۔ گزشتہ 24 گھنٹوں کے دوران صوبے کے بیشتر علاقوں میں موسم شدید گرم اور خشک رہا۔ سب سے زیادہ درجہ حرارت سبی میں (47 °C)، نوکنڈی میں (45°C)،‏ دالبندین اور تربت میں (43°C)، پنجگور میں (41°C)، کوئٹہ میں (38°C) اور گوادر میں (35°C) ریکارڈ کیا گیا۔