محکمہ موسمیات کی ملک بھرمیں (کل) سے یکم جولائی کے دوران بارشوں کی پیش گوئی

منگل 25 جون 2024 17:27

اسلام آباد (اُردو پوائنٹ اخبارتازہ ترین - این این آئی۔ 25 جون2024ء) محکمہ موسمیات نے ملک بھر میں (کل)بدھ سے یکم جولائی کے دوران بارشوں کی پیش گوئی کر دی۔محکمہ موسمیات کے مطابق ہوا کا کم دبائو اس وقت بھارتی گجرات کے جنوب میں ہے، (کل) بدھ کو 26 جون کو بحیرہ عرب اور خلیجِ بنگال سے مون سون ہوائیں ملک کے مشرقی علاقوں میں داخل ہوں گی۔

(جاری ہے)

سندھ کے مختلف مقامات پر بدھ سے یکم جولائی کے دوران بارش کا امکان ہے، کراچی میں 2 یا 3 جولائی کو بارش ہو سکتی ہے۔

27جون سے یکم جولائی کے دوران اسلام آباد، راولپنڈی، لاہور اور دیگر شہروں میں بارش متوقع ہے۔26 سے 30 جون کے دوران بہاولپور، ملتان، خانیوال، راجن پور، رحیم یار خان میں بارش کا امکان ہے۔28جون سے یکم جولائی کے دوران کے پی، گلگت بلتستان، کشمیر میں بارشوں کی پیش گوئی کی گئی ہے۔26سے 28 جون کے دوران لسبیلہ، خضدار، آوران، بارکھان، نصیرآباد میں بارش کا امکان ہے۔