ملک کی سب سے بڑی ہول سیل مارکیٹ میں آٹے کا ذخیرہ ختم

فلارز ملز کی ہڑتال کے باعث ملک کے سب سے بڑے شہر کراچی میں آٹے کا بحران پیدا ہوگیا

ہفتہ 13 جولائی 2024 21:25

ملک کی سب سے بڑی ہول سیل مارکیٹ میں آٹے کا ذخیرہ ختم

کراچی(اُردو پوائنٹ اخبارتازہ ترین - این این آئی۔ 13 جولائی2024ء) فلار ملزم کی ہڑتال کے باعث کراچی میں آٹے کا بحران پیدا ہوگیا۔ تفصیلات کے مطابق چیئرمین ہول سیل گروسرز عبدالرئوف ابراہیم نے کہاہے کہ ہول سیل مارکیٹ جوڑیا بازار میں آٹا ختم ہوگیا ہے، آٹے کے بحران کی وجہ سے قیمت بھی بڑھ گئی ہے۔انہوں نے بتایا کہ کراچی میں آٹے کی بلیک میں فروخت شروع ہوگئی ہے۔

(جاری ہے)

چیئرمین ہول سیل گروسرز نے کہا کہ حیدرآباد، میرپورخاص، جامشورو اور دیگر شہروں میں آٹا چکیاں بند ہوگئی ہیں، ہول سیل مارکیٹ میں فائن آٹا 5 روپے فی کلو مہنگا ہوگیا۔انہوں نے کہا کہ ڈھائی نمبر آٹا 2 روپے مہنگا ہوکر 88 روپے فی کلو ہوگیا ہے، مارکیٹ میں دن کے اندر دس کلو آٹے کا تھیلا 50 روپے مہنگا ہوا ہے۔چکی ڈیلرز کے مطابق ریٹیل اور چکیوں پر 10 کلو آٹے کا تھیلا 60 روپے مہنگا ہوا ہے۔