بابر اعظم کا ویرات کوہلی سے بیٹنگ ٹپس لینے کا انکشاف

جب بھی موقع ملتا ہے ویرات کوہلی، کین ولیمسن اور جو روٹ سے اپنی بیٹنگ تکنیک کو مزید بہتر بنانے کے لیے مشورے لیتا ہوں

ذیشان مہتاب پیر 22 جولائی 2024 13:03

بابر اعظم کا ویرات کوہلی سے بیٹنگ ٹپس لینے کا انکشاف

لاہور (اردو پوائنٹ تازہ ترین اخبار۔ 22 جولائی 2024ء ) قومی ون ڈے اور ٹی ٹونٹی ٹیم کے کپتان بابراعظم نے کہا ہے کہ انہیں سنوکر کھیلنا پسند ہے اور فارغ وقت میں سائیکلنگ بھی کرتا ہوں ۔ قومی ٹیم کے کپتان کا کہنا تھا کہ پسندیدہ شخصیت گلوکار عاطف اسلم ہیں، فیورٹ بیٹسمین جنوبی فریقی اے بی ڈی ویلیئرز اور بولر آسٹریلیا کے پیٹ کمنز ہیں۔ یوٹیوب چینل پر جنوبی افریقی کرکٹر اے بی ڈی ویلیئرز کے ساتھ بات چیت کے بات کرتے ہوئے بابر اعظم کا کہنا تھا کہ جب بھی موقع ملتا ہے ویرات کوہلی، کین ولیمسن اور جو روٹ سے اپنی بیٹنگ تکنیکس کو مزید بہتر بنانے کے لیے مشورے لیتا ہوں۔

جب ان سے پوچھا گیا کہ ان کے نزدیک اب تک کے سب سے مشکل بولر کون ہیں تو بابر اعظم نے پیٹ کمنز کا نام لیا، ڈی ویلیئرز نے بھی بابر اعظم کی رائے سے اتفاق کرتے ہوئے کہا کہ کمننز ان سب سے ز یادہ مشکل بولرز ہیں جن کا میں نے سامنا کیا ہے۔

(جاری ہے)

یاد رہے کہ آسٹریلوی فاسٹ بولر نے بابر اعظم کو 3 بار ٹیسٹ اور ایک بار ون ڈے میں پویلین کا راستہ دکھایا ، اس کے باوجود بابر کی کمنز کے خلاف ٹیسٹ میں 52.3 اور ون ڈے میں 86 کی اوسط ہے۔

قابل ذکر بات یہ ہے کہ کمنز پاکستانی کپتانی بابر اعظم کو ٹوئنٹی20 میچوں میں ایک بھی بار آؤٹ کرنے میں کامیاب نہیں ہو سکے۔ جب بابر اعظم سے ان کے فیورٹ بیٹر کے بارے میں پوچھا گیا تو بابر نے اے بی ڈی ویلیئرز کا نام لیا۔ سوال پر بابر اعظم کا کہنا تھا کہ میں مستقبل کی فکر نہیں کرتا، یہ نہیں سوچتا کہ میں کہاں جا رہا ہوں، میں صرف یہی سوچتا ہوں کہ میں کھیل رہا ہوں اور ہر باراس سے لطف اندوز ہو رہا ہوں، سچ تو یہی ہے کہ کرکٹ میرا جنون ہے اور مجھے صرف کرکٹ کھیلنا اچھا لگتا ہے۔