چیئرپرسن پنجاب ویمن اتھارٹی محترمہ حنا پرویز بٹ

کا ضلع جہلم میں قائم ورچوئل ویمن پولیس اسٹیشن کا دورہ

طارق مجید کھوکھر پیر 22 جولائی 2024 21:51

جہلم (اُردو پوائنٹ اخبارتازہ ترین۔ 22 جولائی2024ء ) : وزیرِ اعلی پنجاب مریم نواز کی ہدایت پرچیئرپرسن پنجاب ویمن اتھارٹی محترمہ حنا پرویز بٹ کا ضلع جہلم میں قائم ورچوئل ویمن پولیس اسٹیشن کا دورہ،ڈپٹی کمشنر جہلم سیدہ رملہ علی کے ہمراہ چیئر پرسن پنجاب ویمن اتھارٹی نے ورچوئل ویمن پولیس اسٹیشن کا دورہ کیا لیڈیز کمیونیکشن آفیسرز سے بات چیت کی۔

(جاری ہے)

ڈی پی او نے چیئر پرسن پنجاب وومن اتھارٹی کو ورچوئل ویمن پولیس اسٹیشن کے قیام اور ورکنگ کے بارے بریف کیا، ڈی سی جہلم سیدہ رملہ علی نے کہا کہ ورچوئل ویمن پولیس اسٹیشن خواتین پر تشدد ، ہراسگی اور خواتین سے متعلق جنسی جرائم کی ایف آئی آر کے اندراج ، تفتیش اور ٹرائل تک کے تمام مراحل میں خواتین کی رہنمائی کرے گا،چیئر پرسن پنجاب ویمن اتھارٹی نے کہا کہ خواتین15کال،ویمن سیفٹی ایپ کے لائیو چیٹ فیچر کے ذریعے ورچوئل ویمن پولیس اسٹیشن سےرابطہ کر سکتی ہیں انہوں نے کہا کہ خواتین کو درپیش تمام مسائل بشمول جنسی ہراسگی کا ترجیحی بنیادوں پر حل حکومت پنجاب کا ویژن ہے، حکومت پنجاب کے ویژن کو حقیقی معنوں میں عملی جامہ پہنانے کے لئے خواتیں شکایت کنندگان کی سہولت کے لیے ورچوئل ویمن پولیس اسٹیشن میں آئی ٹی گریجویٹ لیڈیز پولیس کمیونیکیشن آفیسرز کو تعینات کیا گیا ہے ۔