6اگست تک بلوچستان کے 22 اضلاع میں بارش کی پیشگوئی

ان اضلاع کی انتظامیہ کو الرٹ رہنے اور شہریوں کو غیر ضروری سفر سے گریز کرنے کی ہدایت

جمعہ 2 اگست 2024 13:01

کوئٹہ(اُردو پوائنٹ اخبارتازہ ترین - این این آئی۔ 02 اگست2024ء) محکمہ موسمیات نے 6 اگست تک بلوچستان کے 22 اضلاع میں بارش کی پیشگوئی کی ہے۔صوبائی ڈیزاسٹر مینجمنٹ اتھارٹی (پی ڈی ایم ای) نے ان اضلاع کی انتظامیہ کو الرٹ رہنے اور شہریوں کو غیر ضروری سفر سے گریز کرنے کی ہدایت کی ہے۔

(جاری ہے)

محکمہ موسمیات کے مطابق بحیرہ عرب اور خلیج بنگال سے مون سون ہوائیں شدت کے ساتھ بلوچستان میں داخل ہوگئی ہیں۔

پی ڈی ایم اے کے مطابق 2 اگست سے 6 اگست کے دوران خضدار، لسبیلہ، آواران، پنجگور، کیچ، قلات، کوئٹہ، زیارت، ڑوب، قلعہ عبداللہ، قلعہ سیف اللہ، بارکھان، موسیٰ خیل، مستونگ، سبی، شیرانی، کوہلو، بولان، ہرنائی، نصیر آباد، جعفرآباد اور مکران کے ساحلی علاقوں میں تیز ہوائیں اورگرج چمک کے ساتھ وقفے وقفے سے بارش کا امکان ہے۔