میٹرک کے دوسرے سالانہ امتحانات 20اگست سے شروع، ڈیٹ شیٹ جاری

لاہور (اُردو پوائنٹ اخبارتازہ ترین - این این آئی۔ 07 اگست2024ء) لاہور سمیت صوبہ بھر میں میٹرک کے دوسرے سالانہ امتحانات کیلئے ڈیٹ شیٹ جاری کردی گئی ۔تعلیمی بورڈ کے ذرائع کے مطابق امتحان کا آغاز 20اگست سے ہوگا، رولنمبر سلپ 10اگست سے جاری ہوں گی، پہلا پیپر ایجوکیشن اور تاریخ اسلام کا ہوگا، 21اگست کو انگریزی اور 22کو مطالعہ پاکستان کا پیپر ہوگا، 23کو فزکس اور 26کو کیمسٹری کا پیپر لیا جائے گا۔

(جاری ہے)

ذرائع کا کہنا ہے کہ 27اگست کو اسلامیات اور 28کو ریاضی کا پیپر لیا جائے گا، 29اگست کو ترجمتہ القرآن اور 30کو اردو کا پیپر ہوگا، 2ستمبر کو میٹرک کا آخری پیپر بیالوجی کا ہوگا۔دوسری جانب نہم جماعت کے پیپرز 3ستمبر سے شروع ہوں گے، 3ستمبر کو نہم کا پہلا پیپر ریاضی کا ہوگا ، 4ستمبر کو مطالعہ اور 5کو انگریزی کا پیپر لیا جائے گا، 6کو اسلامیات اور 9ستمبر کو فزکس کا پیپر ہوگا۔تعلیمی بورڈ ذرائع کا مزید کہنا ہے کہ 10ستمبر کو ترجمتہ القرآن اور11کو کیمسٹری کا پیپر ہوگا، 12ستمبر کو اردو اور 13کو بیالوجی کا پیپر ہوگا،17ستمبر کو آخری پیپر ایجوکیشن کا لیا جائے گا، عملی امتحانات 20ستمبر سے 2اکتوبر تک جاری رہے گے۔