میڈل ٹیبل پر پاکستان کا نمبر 53 جبکہ بھارت کا نمبر 64 ہے

ایک ہی تمغے سے پاکستان نے بھارت کو پیچھے چھوڑ دیا

ہفتہ 10 اگست 2024 19:56

میڈل ٹیبل پر پاکستان کا نمبر 53 جبکہ بھارت کا نمبر 64 ہے

پیرس (اُردو پوائنٹ اخبارتازہ ترین - آن لائن۔ 10 اگست2024ء) پیرس اولمپکس میں جو کچھ بھی ہوا ہے اُسے پاکستان پر اللہ کے خاص کرم ہی سے تعبیر کیا جاسکتا ہے۔ ارشد ندیم کے حاصل کردہ صرف ایک گولڈ میڈل نے پاکستان کو بھارت سے آگے کردیا ہے۔ اس وقت میڈل ٹیبل پر پاکستان کا نمبر 53 جبکہ بھارت کا نمبر 64 ہے۔پاکستان کا دستہ صرف 7 ارکان پر مشتمل ہے۔

(جاری ہے)

24 کروڑ کی آبادی والے ملک سے صرف 7 کھلاڑیوں اور ایتھلیٹس کی شرکت پر تمسخر اڑایا جارہا تھا۔

بہرکیف پاکستان کے 7 رکنی دستے نے وہ کر دکھایا جو 16 کھیلوں کے 117 کھلاڑیوں پر مشتمل بھارتی دستہ بھی نہ کر پایا۔13 ویں دن کے ایونٹس کے خاتمے پر پاکستان واحد طلائی مغے کی بدولت 53 ویں نمبر پر ہے جبکہ چاندی کے ایک اور کانسی کے چار تمغوں کے ساتھ بھارت 63 ویں نمبر پر ہے۔