Live Updates

پی سی بی نے پریزیڈنٹ ٹرافی گریڈ ون کے شیڈول کو حتمی شکل دے دی

آغاز 24 ستمبر سے ہوگا جبکہ فائنل 5 سے 9 نومبر تک کھیلا جائے گا

ذیشان مہتاب ہفتہ 18 جولائی 2026 15:52

لاہور (اردو پوائنٹ تازہ ترین اخبار ۔ 18 جولائی 2026ء ) پاکستان کرکٹ بورڈ (پی سی بی) نے پریزیڈنٹ ٹرافی گریڈ ون کے شیڈول کو حتمی شکل دے دی۔

پریزیڈنٹ ٹرافی گریڈ ون میں 8 ٹیمیں شریک ہوں گی جن میں اسٹیٹ بینک ، واپڈا، کے آر ایل ، سوئی ناردرن، غنی گلاس ، پی ٹی وی ، سحر ایسوسی ایٹس اور ایم آئی ٹی سلوشنز شامل ہیں۔

(جاری ہے)

پریزیڈنٹ ٹرافی گریڈ ون کے میچز اسلام آباد ، پشاور، ایبٹ آباد اور راولپنڈی میں کھیلے جائیں گے جس کا آغاز 24 ستمبر سے ہوگا جبکہ فائنل 5 سے 9 نومبر تک کھیلا جائے گا۔

واضح رہے کہ ڈیپارٹمنٹس نے پی سی بی کے شیڈول کو جلد حتمی شکل دینے کو قابل ستائش قرار دیا ہے۔

ڈیپارٹمنٹس کا کہنا ہے کہ دو سے ڈھائی ماہ پہلے شیڈول دینے سے بجٹ منظور کرانے میں آسانی ہو گی اور میزبان شہروں کا بھی فیصلہ ہونے سے حکمت عملی بنانے میں آسانی ہو گی۔