مولانا فضل الرحمان کا ناظم انتخاب جے یو آئی حلقہ این اے 47 مولانا سلیم اللہ تنولی کے والد کی وفات پر اظہار افسوس

جمعرات 29 اگست 2024 21:40

اسلام آباد (اُردو پوائنٹ اخبارتازہ ترین - اے پی پی۔ 29 اگست2024ء) جمعیت علمائے اسلام (ف) کے سربراہ مولانا فضل الرحمان نے ناظم انتخاب جے یو آئی حلقہ این اے 47 مولانا سلیم اللہ تنولی کے والد کی وفات پر افسوس کا اظہار کیا ہے۔

(جاری ہے)

جمعرات کو جے یو آئی کے مرکزی میڈیا سیل کی جانب سے جاری بیان کے مطابق مولانا فضل الرحمان نے دعا کی کہ اللہ کریم مرحوم کی کامل مغفرت فرمائے اور ان کو اعلیٰ مقام عطا فرمائے۔ انہوں نے کہا کہ والد جیسا کوئی سائباں نہیں ہوتا۔ انہوں نے کہا کہ اہل خانہ سے اظہار تعزیت کرتا ہوں، مولانا سلیم اللہ کے غم میں برابر کا شریک ہوں، اللہ پاک لواحقین کو صبر جمیل عطا فرمائے۔