دیربالا، مکان پر تودہ گرنے سے ایک ہی خاندان کے 12 افراد جاں بحق

جمعہ 30 اگست 2024 11:57

دیربالا(اُردو پوائنٹ اخبارتازہ ترین - این این آئی۔ 30 اگست2024ء) دیربالا میں پاتراک کے علاقے میدان میں مکان پر تودہ گرنے سی9بچوں سمیت 12 افراد جاں بحق ہوگئے۔ذرائع کے مطابق علاقے میں رات گئے ہونے والی موسلادھار بارش کے بعد گھر پر مٹی کا تودہ گرا۔ریسکیو حکام کا کہنا ہے کہ ملبے تلے دب کر خواتین اور بچوں سمیت 12 افراد جاں بحق ہوئے ہیں۔پولیس کے مطابق جاں بحق افراد میں 2 خواتین، ایک مرد اور 9 بچے شامل ہیں۔

انتظامیہ کا کہنا ہے کہ رات بارش اور اندھیرے کے باعث ریسکیو آپریشن میں مشکلات کا سامنا رہا۔

(جاری ہے)

افسوسناک واقعہ دیربالا میں پاتراک کے علاقے میدن میں پیش آیا جہاں بارش اور رات کے اندھیرے کے باعث امدادی کارروائی میں سخت مشکلات کا سامنا کرنا پڑا۔امدادی کارروائیوں میں مقامی لوگوں کی بڑی تعداد کے علاوہ 1122 اپردیر، پولیس، دیر لیویز اور سول ڈیفنس کے اہلکار شامل تھے۔جاں بحق ہونے والے تمام افراد کی لاشیں مقامی لوگوں ریسکیو 1122 اپر دیر، سول ڈیفنس، پولیس اور دیر لیویز کے جوانوں نے ریسیکو آپریشن کے ذریعے نکال دئے ہیں۔ پولیس کے مطابق کافی مشکلات کے بعد دب کر جاں بحق ہونے والوں کی لاشیں نکال لی گئیں تھیں۔