جنوبی وزیرستان میں گاڑی کے قریب دھماکہ، قبائلی رہنما کا بیٹا جاں بحق

ملک جمیل وزیر علاقہ کڑیکوٹ سے وانا بازار جا رہے تھے، کڑیکوٹ بازار کے قریب سڑک کے کنارے نصب بم پھٹ گیا

اتوار 8 ستمبر 2024 12:00

جنوبی وزیرستان میں گاڑی کے قریب دھماکہ، قبائلی رہنما کا بیٹا جاں بحق

وانا (اُردو پوائنٹ اخبارتازہ ترین - این این آئی۔ 08 ستمبر2024ء) خیبر پختونخوا کے ضلع جنوبی وزیرستان کی تحصیل وانا میں ایک گاڑی پر ہونے والے بم حملے میں قبائلی مشر ملک جمیل وزیر کا بیٹا جاں بحق جبکہ رہنما سمیت 3 افراد زخمی ہوگئے۔

(جاری ہے)

پولیس کے مطابق دھماکے میں ملک جمیل وزیر سمیت 4 افراد زخمی ہوئے تاہم اسپتال ذرائع کا کہنا ہے کہ دھماکے میں زخمی قبائلی رہنما کا بیٹا زخموں کی تاب نہ لاتے ہوئے جاں بحق ہو گیا۔پولیس نے کہا کہ ملک جمیل وزیر علاقہ کڑیکوٹ سے وانا بازار جا رہے تھے، نامعلوم افراد کی جانب سے کڑیکوٹ بازار کے قریب سڑک کے کنارے نصب بم پھٹ گیا۔پولیس نے بتایا کہ واقعے کی تحقیقات جاری ہیں، دھماکا ریموٹ کنٹرول کا تھا۔