نامورترقی پسندسیاسی رہنماء،دانشور اورچیمبر آف کامرس ملتان کے بانی صدرسید قسور گردیزی کی 30ویں برسی 11ستمبر کومنائی جائیگی

پیر 9 ستمبر 2024 21:56

ملتان (اُردو پوائنٹ اخبارتازہ ترین - اے پی پی۔ 09 ستمبر2024ء) نامورترقی پسندسیاسی رہنماء،دانشور اورچیمبر آف کامرس ملتان کے بانی صدرسید قسور گردیزی کی 30ویں برسی 11ستمبر کومنائی جارہی ہے۔

(جاری ہے)

قسور گردیزی 6ستمبر 1922ءکو ملتان میں پیدا ہوئے،آپ کا زمیندار گھرانے سے تعلق تھا لیکن آپ نے ایک سیاستدان اورکاروباری شخصیت کی حیثیت سے اپنی صلاحیتوں کا اعتراف کرایا،آپ ایوب خان اور جنرل ضیاءالحق کے دور میں آمریت کے خلاف جدوجہد میں مصروف رہے،ذوالفقارعلی بھٹو کے زمانے میں بھی انہوں نے ان کی غلط پالیسیوں کے خلاف آواز بلند کی،ان کے غوث بخش بزنجو، عبدالولی خان، عبد الحمید بھاشانی، عطاءاللہ مینگل، اجمل خٹک سے دوستانہ تعلقات تھے۔

11ستمبر1993ءکو ان کا لاہور میں انتقال ہوا،انہیں ملتان میں سپردخاک کیاگیا۔