ہماری انتظامیہ کو ماضی میں اسکندر مرزا و غلام محمد کے ذریعے مخنث بنادیا گیا، امان اللہ کنرانی

ہفتہ 14 ستمبر 2024 18:56

کوئٹہ (اُردو پوائنٹ اخبارتازہ ترین - آن لائن۔ 14 ستمبر2024ء) سپریم کورٹ بار ایسوسی ایشن کے صدر امان اللہ کنرانی نے ایک بیان میں کہا ہے کہ ہماری انتظامیہ کو ماضی میں اسکندر مرزا و غلام محمد کے ذریعے مخنث بنادیا گیا پارلیمنٹ کو 1985 میں غیر جماعتی انتخابات کے ذریعے ایک نئے سیاسی گروہ کی تولد کے ساتھ آج تک پارلیمنٹ کو بے توقیر کرکے محبوس بنادیا گیا اب عدلیہ کو بھی پہلے پی سی او کے ذریعے دوام بخشا جاتا رہا ہے اب عمر میں تین سالہ اضافہ جس کو جنرل پرویز مشرف کے مرتب کردہ قانون کے تحت 2003 سے دو دہائی کے بعد اس کا دوبارہ اجرا کیا جارہا ہے جس کو آئین میں 17 ویں کے موقع پر MMA نے مسترد کردیا تھا اور 31.12.

(جاری ہے)

2003 کے مجوزہ سرکاری بل میں شامل تھا مگر اب حیرت ہے مولانا فضل الرحمن صاحب اس قانون سازی و آئین میں ترمیم کی حمایت کررہے ہیں جبکہ محترم چیف جسٹس اپنی عدالت میں کسی فوجی جنرل صدر کے بطور صدر نام لینے پر ناگواری کا اظہار کرتے رہے ہیں مگر جنرل پرویز مشرف کے تبرکات و باقیات سر آنکھوں پر رکھنے کے لئے تیار ہیں دکھ و افسوس کی بات ہے اور اس کی توجیح اعلانیہ اظہار کرتے ہیں مگر ان میں ایک جنرل پرویز مشرف کی مرتب کردہ قانون سازی جو دو دہائی پہلے تو منظور نہ جاسکی آج قاضی صاحب کی سرپرستی میں جنرل پرویز مشرف کی آرزو اس کی رحلت کے بعد پوری ہورہی ہے مبارک باد کے مستحق ہیں جنرل پرویز مشرف جس کا قانون مرنے کے بعد بھی زندہ کیا جارہا ہے۔