کے ٹو کی پرمٹ فیس فی کوہ پیما 5000 ڈالر تک بڑھا دی گئی

کوہ پیما ایک پرمٹ پر صرف ایک ہی پہاڑ کی مہم جوئی کر سکے گا، ایک سے زائد پہاڑوں کی مہم جوئی کے لیے الگ الگ پرمٹ لینا ہوگا: نوٹیفکیشن

ذیشان مہتاب پیر 16 ستمبر 2024 11:13

کے ٹو کی پرمٹ فیس فی کوہ پیما 5000 ڈالر تک بڑھا دی گئی

سکردو (اردو پوائنٹ تازہ ترین اخبار ۔ 16 ستمبر 2024ء ) گلگت بلتستان حکومت نے پاکستان کی بلند ترین چوٹی کے 2 کی پرمٹ فیس میں اضافہ کردیا۔ نوٹیفکیشن کے مطابق دنیا کے دوسرے بلند ترین پہاڑ کے 2 کی پرمٹ فیس فی کوہ پیما 5000 ڈالر تک بڑھا دی گئی۔ نوٹیفکیشن میں بتایا گیا ہے کہ 8 ہزار میٹر سے بلند دیگر پہاڑوں کی پرمٹ فیس میں بھی اضافہ 9 ہزار ڈالر سے 28 ہزار ڈالر مقرر کر دیا گیا ہے۔

(جاری ہے)

نوٹیفکیشن کے مطابق کے ٹو پہاڑ کیلئے پرمٹ فیس موسم خزاں میں 25 سو ڈالر اور موسم سرما میں 1500 ڈالر مقرر کی گئی ہے جب کہ پاکستانی کوہ پیماں کیلئے کیٹو پرمٹ فیس 30 ہزار سے بڑھا کر 1 لاکھ اور ٹریکنگ فیس غیر ملکیوں کے لیے 100 ڈالر سے بڑھا کر 3 سو ڈالر مقرر کی گئی ہے۔ نوٹیفکیشن میں مزید بتایا گیا کہ کوہ پیما ایک پرمٹ پر صرف ایک ہی پہاڑ کی مہم جوئی کر سکے گا، ایک سے زائد پہاڑوں کی مہم جوئی کیلیے الگ الگ پرمٹ لینا ہوگا۔ نوٹی فکیشن کے مطابق گروپ ممبران کی تعداد 20 سے زیادہ نہیں ہونی چاہیے اور ہائی ایلٹیٹیوٹ پورٹرز کے لیے انشورنس کی رقم 20 لاکھ روپے مقرر کی گئی ہے۔