گورنر پنجاب کا جامعات کو ڈرگ فری بنانے کیلئے طلبا اور فیکلٹی کے ٹیسٹ کروانیکا اعلان

طلبا کے مسائل حل کروانے کے لیے خود یونیورسٹیوں کے دورے کروں گا،سردارسلیم حیدرخان کی گفتگو

بدھ 18 ستمبر 2024 13:51

گورنر پنجاب کا جامعات کو ڈرگ فری بنانے کیلئے طلبا اور فیکلٹی کے ٹیسٹ ..

لاہور(اُردو پوائنٹ اخبارتازہ ترین - این این آئی۔ 18 ستمبر2024ء) گورنر پنجاب سردار سلیم حیدر خان نے کہا ہے کہ جامعات کو ڈرگ فری بنانے کے لیے طلبا اور فیکلٹی کے ٹیسٹ کروانے جا رہے ہیں۔

(جاری ہے)

ایک انٹرویو میں گورنر پنجاب سردار سلیم حیدر خان کا کہنا تھا کہ 25 پبلک سیکٹر یونیورسٹیز میں مستقل وائس چانسلرز کام نہیں کر رہے، نگران دور میں عدالتوں نے وائس چانسلرز کی تعیناتیاں روک دی تھیں، وائس چانسلرز کی تعیناتی کے لیے سرچ کمیٹی نے انٹرویوز مکمل کرلیے ہیں، ایک سے دو روز میں تمام یونیورسٹیز کے وائس چانسلرز لگا دیے جائیں گے۔

گورنر پنجاب کا کہنا تھا کہ یونیورسٹیز میں ڈرگز ، ہراسمنٹ اور کرپشن کی بہت شکایات موصول ہوئی ہیں، یونیورسٹیز کو ڈرگ فری بنانے کے لیے طلبا اور فیکلٹی کے ٹیسٹ کروانے جا رہے ہیں، ہراسمنٹ کے خاتمے کے لیے اب یونیورسٹی کے باہرکارڈ چیک ہوں گے۔گورنرکا مزید کہنا تھا کہ طلبا کے مسائل حل کروانے کے لیے خود یونیورسٹیوں کے دورے کروں گا۔