ایئرپورٹس پر طیاروں پر لیزر لائٹ مارنے کے 100 سے زائد واقعات رپورٹ ہوئے

جمعرات 19 ستمبر 2024 21:27

اسلام آباد (اُردو پوائنٹ اخبارتازہ ترین - این این آئی۔ 19 ستمبر2024ء) ملک کے مختلف ایئرپورٹس پر طیاروں پر لیزر لائٹ مارنے کے واقعات پیش آئے ہیں۔ ذرائع کے مطابق 8 ماہ میں 8 ایئرپورٹس پر طیاروں پر لیزر لائٹ مارنے کے 100 سے زائد واقعات رپورٹ ہوئے۔ ذرائع پاکستان ایئرپورٹ اتھارٹی کے مطابق لیزر لائٹ مارنے کے سب سے زیادہ واقعات کراچی ایئرپورٹ پر ہوئے۔

پاکستان ایئرپورٹ اتھارٹی کے مطابق کراچی ایئرپورٹ پر 37 اور لاہور میں 33 واقعات پیش آئے۔

(جاری ہے)

پاکستان ایئرپورٹ اتھارٹی کے ذرائع کے مطابق پچھلے سال لیزر لائٹ مارنے کے 193 واقعات رپورٹ ہوئے تھے۔ ذرائع پی اے اے کے مطابق لیزر لائٹ فلائٹ سیفٹی رسک ہے۔ لیزر لائٹ سے پائلٹ کو لینڈنگ میں دشواری ہوسکتی ہے۔ ذرائع پی اے اے کے مطابق پائلٹس کا لیزر لائٹ کے واقعہ کو رپورٹ کرنا معمول کی کارروائی ہے۔ پی اے اے لیزر لائٹ واقعات سے ضلعی انتظامیہ کو علاقے کی نشاندہی کرتی ہے۔ ذرائع پی اے اے کے مطابق ایئرپورٹ کے اطراف ریسٹورنٹ، شادی ہالوں پر لگی بڑی لیزر لائٹس بھی ایسے واقعات کی ایک وجہ ہیں۔