مصنوعی ذہانت کا عالمی انڈیکس، سعودیہ عرب ممالک میں پہلے نمبر پر آ گیا

سعودی عرب مصنوعی ذہانت میں دنیا کا سب سے تیزی سے ترقی کرنے والا ملک بھی بن گیا، انڈیکس میں 17 پوائنٹس اوپر آیا، سعودی عرب نے اس انڈیکس میں مصنوعی ذہانت کے تجارتی معیار میں عالمی سطح پر ساتواں مقام حاصل کیا

میاں محمد ندیم جمعہ 20 ستمبر 2024 17:23

مصنوعی ذہانت کا عالمی انڈیکس، سعودیہ عرب ممالک میں پہلے نمبر پر آ گیا

ریاض(اردوپوائنٹ اخبارتازہ ترین-انٹرنیشنل پریس ایجنسی۔20 ستمبر ۔2024 ) مصنوعی ذہانت کے عالمی انڈیکس میں سعودی عرب عالمی سطح پر 14ویں اور عرب ممالک میں پہلے نمبر پر آ گیا اقوام متحدہ کی طرف سے منظور شدہ مصنوعی ذہانت کے لئے عالمی انڈیکس کی نمائندگی ایڈوائزری بورڈ برائے آرٹیفیشل انٹیلی جنس دنیا کے 83ممالک میں کرتا ہے. سعودی عرب مصنوعی ذہانت کے لئے حکومتی حکمت عملی کے معیار میں عالمی سطح پر پہلا مقام حاصل کرتا رہا ہے سعودی عرب مصنوعی ذہانت میں دنیا کا سب سے تیزی سے ترقی کرنے والا ملک بھی بن گیا.

(جاری ہے)

انڈیکس میں 17مقامات کی ترقی حاصل کی ہے سعودی عرب نے اس انڈیکس میں مصنوعی ذہانت کے تجارتی معیار میں عالمی سطح پر ساتواں مقام حاصل کیا ہے یہ چیز مصنوعی ذہانت کے شعبے کو اپنانے اور ترقی دینے اس کی ٹیکنالوجیز میں سرمایہ کاری کرنے اور اس شعبے میں قومی صلاحیتوں کی تعمیر کے عزم کی تصدیق کرتی ہے. سال2019 میں شروع مصنوعی ذہانت کے اس انڈیکس کو سات اہم اشاریوں میں تقسیم کیا گیا ہے ان سات کیٹگریز میں حکومتی حکمت عملی آپریٹنگ ماحول‘ بنیادی ڈھانچہ‘تحقیق‘ترقی‘قابلیت اور تجارت شامل ہیں ان کیٹگریز سے 122معیارات نکلتے ہیں.

انڈیکس میں 83ممالک حصہ لیتے ہیں یہ کامیابی سعودی ڈیٹا اور مصنوعی ذہانت کے شعبے کو آگے بڑھانے میں اپنا کردار ادا کرنے کے لئے سعودی ڈیٹا اینڈ آرٹیفیشل انٹیلی جنس اتھارٹی (ایس ڈی اے آئی اے)کو ولی عہد شہزادہ محمد بن سلمان اور اتھارٹی کے بورڈ آف ڈائریکٹرز کے چیئرمین کی حمایت کی تصدیق کر رہی ہے یہ اس بات کی بھی تصدیق ہے کہ ڈیٹا اور مصنوعی ذہانت کی بنیاد پر معیشتوں کے اندر ترقی کو یقینی بنانے کے لیے مصنوعی ذہانت کے شعبے میں مسلسل جدت کے ساتھ ڈیٹا سے متعلق صلاحیتیں فراہم کی جارہی ہیں.