امریکہ اور اسرائیل ہوش کے ناخن لیں انکے جنگی جنون سے دنیا عالمی جنگ کے جانب بڑھ رہی ہے،سردار یعقوب خان ناصر

لورالائی(اُردو پوائنٹ اخبارتازہ ترین - این این آئی۔ 03 اکتوبر2024ء) مسلم لیگ (ن) کے مرکزی نائب صدر رکن قومی اسمبلی و سابق وفاقی وزیر سردار محمد یعقوب خان ناصر نے کہا ہے کہ امریکہ اور اسرائیل ہوش کے ناخن لیں انکے جنگی جنون سے دنیا عالمی جنگ کے جانب بڑھ رہی ہے مظلوم فلسطینی عوام پر مظالم کرنے والے قہر خداوندی کو دعوت دے رہے یں اسماعیل ہنیہ اور حسن نصراللہ کہ شہادت کے بعد ایران نے جرات کا مظاہرہ کیا ایران کو بدلا لینے کا پورا حق حا صل تھا عالم اسلام کو اب بھی متحد ہونا پڑیگا بصورت دیگر ہم تباہ ہو جائیںگے پاکستان فلسطین اور اسرائیل کے دو ریاستی فارمولے کی بھر پور حمایت کرتا ہے۔

انہوں نے کہا کہ آئینی ترامیم کی منظوری 25 اکتوبر سے پہلے کرنے کی کوشش کر رہے ہیں ضرو رت ہوئی تو پارلیمنٹ کے مشترکہ اجلاس بھی طلب کر سکتے ہیں اور ترامیم کی منظوری لی جائے گی انہوں نے کہا کہ اپوزیشن کے اراکین کے تحفظات بھی زیر غور لائے جارہے ہیں مولانا فضل الرحمان ایک زیرک سیاسدان ہیں انکی حمایت حاصل کرنے کی بھر پور کوشش جاری ہے انھیں اعتماد میں لیکر انکے تجاویز بھی آئینی ڈرافٹ کا حصہ بنایاجائے گا اس حوالے سے حکومت پر ناکامی کا پروپیگنڈہ سمجھ سے بالاتر ہے ۔

(جاری ہے)

انہوں نے کہا کہ پار لیمنٹ کو قانون سازی کا پورا حق حاصل ہے سپریم کورٹ کے ججز کی تعداد بڑھانے سمیت دیگر ایشوز پر قانون بنانا ہماری زمہ داری ہے۔ انہوں نے کہا کہ ہم انتقامی سیاست نہیں کرینگے اسوقت ملک کو یکجا کرنے کی اشد ضرورت ہے ہم تقسیم کے کسی صورت متحمل نہیں ہو سکتے اس وقت دہشت گردی کا مسلہ سب سے اہم ہے اسپر متحد ہوکر اسکا مقابلہ مشترکہ طور پر کرنا ہے کے پی کے اور بلوچستان دہشت گردوں کے رحم وکرم پر ہیں اکیلے حکومت اسے ختم نہیں کر سکتی قوم کو بھی بھر پور مدد اور آگے آنا ہوگا۔

انہوں نے کہا کہ پیٹرولیم مصنوعات کی قیمتوں میں کمی حکومت کا اہم اقدام ہے عوام کو ریلیف کی فراہمی آئندہ بھی جاری رہے گا وزیر اعظم مہنگائی سے بہت پریشان ہیں حکومت کی کوششوں سے ملک میں بجلی و گیس کے نئے زخائر دریافت ہوئے ہیںآئی پی پیز نے بھی بجلی کی قیمت کم رکھنے کی شروعات شروع کر دی ہیں جو کہ عوام کیلئے خوشخبری ہے ملک میں امن کے قیام پر حکومت زیادہ توجہ دے رہی ہے اس بیرونی سرمایہ کاری آئے گی جس سے بے روزگاری کا خاتمہ ہو گا اور پاکستان ترقی کریگا انہوں نے کہا کہ این اے 252 میں اترقی کا نیا شروع ہونے والا ہے پمز طرز پر 500 بیڈ کا ہسپتال منظور ہو گیا ہے جس میں عوام کو جدید سہولتیں ملے گی اور تمام شعبہ امراض کے شعبے قائم ہونگے جس سے عوام کو ملتان اور کوئٹہ اپنے مریضوں کو نہیں لیجانا پڑیگا تعلیم صحت زراعت اور مواصلات کے شعبے میں انقلابی اقدامات اور کام کر رہے ہیں عوام کے ساتھ جو وعدے کئے اس پر عمل درامد کا اغاز کر دیا گیا ہے اب نعروں کا دور نہیں عملی کام کرنے کا وقت ہے