بیرونِ ملک مقیم پاکستانیوں نے آئی ایم ایف پروگرام سے زائد ڈالرز وطن بھیج دیے

ترسیلاتِ زر ستمبر 2024 میں 2.8 ارب ڈالرز رہیں جو کہ ستمبر 2023 کے مقابلے 29 فیصد زائد ہیں

بدھ 9 اکتوبر 2024 17:33

کراچی (اُردو پوائنٹ اخبارتازہ ترین - این این آئی۔ 09 اکتوبر2024ء) بیرونِ ملک مقیم پاکستانیوں نے 3 مہینوں میں آئی ایم ایف کے 3 سالہ پروگرام سے زائد ڈالرز پاکستان بھیج دیے۔اسٹیٹ بینک آف پاکستان(ایس بی پی)نے ماہِ ستمبر 2024 میں ورکرز ترسیلاتِ زر کی تفصیلات جاری کر دیں۔ترسیلاتِ زر ستمبر 2024 میں 2.8 ارب ڈالرز رہیں جو کہ ستمبر 2023 کے مقابلے 29 فیصد زائد ہیں۔

سعودی عرب سے ستمبر میں 68 کروڑ ڈالر جبکہ متحدہ عرب امارات سے ستمبر میں 56 کروڑ ڈالر بھیجے گئے ہیں۔3 مہینوں میں ورکرز ترسیلات کی ماہانہ اوسط 2.92 ارب ڈالرز رہیں۔

(جاری ہے)

سعودی عرب میں مقیم پاکستانیوں نے 3 ماہ میں 2.15 ارب ڈالرز بھیجے۔متحدہ عرب امارات میں مقیم پاکستانیوں نے 3 ماہ میں 1.70 ارب ڈالرز بھیجے جبکہ برطانیہ میں مقیم پاکستانیوں نے 3 ماہ میں 1.34 ارب ڈالرز بھیجے ہیں۔

یورپی یونین میں مقیم پاکستانیوں نے 3 ماہ میں 1.09 ارب ڈالرز جبکہ امریکا سے 3 مہینوں میں 89 کروڑ ڈالرز پاکستان بھیجے گئے۔علاوہ ازیں دیگر خلیجی ممالک سے 3 مہینوں میں 86 کروڑ ڈالرز بھیجے گئے۔معاشی تجزیہ کار محمد سہیل نے اس حوالے سے کہا ہے کہ ورکرز ترسیلات کا مضبوط بہا روپے کو استحکام فراہم کرے گا۔محمد سہیل نے کہا ہے کہ ورکرز ترسیلات کا بہا کرنٹ اکانٹ خسارے کو قابو میں رکھے گا۔