ملک کے بیشتر علاقوں میں موسم خشک اور پہاڑی علاقوں میں سرد رہنے کی توقع ہے، محکمہ موسمیات

جمعہ 11 اکتوبر 2024 22:53

اسلام آباد (اُردو پوائنٹ اخبارتازہ ترین - اے پی پی۔ 11 اکتوبر2024ء) ملک کے بیشتر علاقوں میں موسم خشک جبکہ پہاڑی علاقوں میں سرد رہنے کی توقع ہے۔ محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم کراچی اور کشمیر میں چند مقامات پر گرج چمک کے ساتھ بارش ہوئی۔

(جاری ہے)

سب سے زیادہ بارش کراچی میں (یونیورسٹی روڈ 2) اور مظفرآباد ائیر پورٹ کے علاقہ میں ایک ملی میٹر بارش ریکارڈ کی گئی ہے۔ جمعہ کو ریکارڈ کیے گئے زیادہ سے زیادہ درجہ حرارت کی رپورٹ کے مطابق تربت میں درجہ حرارت 41، چھور، لسبیلہ 40، رحیم یار خان اور کراچی میں 39 ڈگری سینٹی گریڈ ریکارڈ کیا گیا ہے۔