تحریک انصاف نے ایک بار پھر ریاست کے خلاف اعلان جنگ کیا ہے‘عظمی بخاری

ہفتہ 12 اکتوبر 2024 22:58

لاہور (اُردو پوائنٹ اخبارتازہ ترین - آن لائن۔ 12 اکتوبر2024ء) صوبائی وزیر اطلاعات عظمی بخاری نے کہا ہے کہ تحریک انصاف نے ایک بار پھر ریاست کے خلاف اعلان جنگ کیا ہے ۔ یہ جماعت متعدد نامعلوم کام کر رہی ہے احتجاج کی کال بھی نامعلوم مقام سے آئی ہے ۔ ریاست جتنا تحمل کر سکتی تھی کیا، اب ان کے ساتھ وہی کیا جائے گا جس کے وہ مستحق ہیں ۔یہاں پریس کانفرنس سے خطاب کرتے ہوئے انہوں نے کہاکہ تحر یک انصاف نے ہمیشہ ملک کے مفاد کے خلاف کا م کیا یہ ایک دہشتگرد د جماعت ہے ۔

یہ پاکستان کی ترقی اور خوشحالی کے خلا ف ڈ ٹ کر کھڑے ہیں ۔ انہوں نے کہا کہ پی ٹی آئی سیاسی جماعت نہیں ہے بلکہ یہ متعدد نامعلوم کام کر رہی ہے ۔ پندرہ اکتوبر کے احتجاج کی کال بھی نامعلوم مقام سے آئی ہے ۔ انہوں نے کہا ایس سی او اجلاس کے موقع پر اس جماعت نے پھر احتجاج کی کال دے دی ہے ۔

(جاری ہے)

ورک فرام ہوم کرنے والے سیکرٹیری اطلاعات نے اسلام آباد پر یلغار کی کال دی ۔

انہوں نے کہا پنجاب کے عوام نے اس جماعت کے ا حتجاج کی کال اور افرا تفری کو مسترد کر دیا ہے اس جماعت نے ریاست کے خلاف اعلان جنگ کر دیا ہے ۔ تاہم ان پر واضع کر دینا چاہتے ہیں کہ اس ا علان جنگ کا جواب ویسے ہی دیا جائے گا جیسے اس کا دیا جانا چاہیے ۔ انہوں نے بھارتی وزیر خارجہ کو بھی اپنے احتجاج میں شامل ہونے کی دعوت دی۔ یہ ملک دشمن ایجنڈے پر عمل پیرا ہیں ۔

پی ٹی آئی نے سیف اللہ ابڑو سمیت اپنے اراکین کو اغواہ کر کے کے پی کے میں رکھا ہوا ہے ان کے وزیر اعلی نے بھی لاپتہ ہونے کا ڈرامہ کیا ۔ اب ان کے اپنے ایم این ایز بھی فساد کے حق میں نہیں ہیں ۔ انہوں نے کہا کہ اب اس فسادی ٹولے کو فساد سے باز رہنا چاہیے ۔ ریاست جتنے تحمل کا مظاہرہ کر سکتی تھی کر چکی ۔ جس نے دوبارہ فساد کی پلا ننگ کی ہے اس نے اپنے پاوں پر کلہاڑی ماری ہے ۔ انہوں نے عوام کو مشورہ دیا کہ وہ اپنے اپنے گلی محلوں میں رہنے واکل لے ان فسادیوں سے پوچھیں کہ وہ کیوں ان کو سستی روٹی دال ملنے اور معاشی ترقی کے خلاف ہیں ۔ ان کا آخر مسلہ کیا ہے ۔ انہوں نے کہا جو انقلاب لانا چاہتے ہیں ان میں ہمت ہے تو خود اس کو لیڈ کریں ۔ بانی پی ٹی آئی احتجاج سے رہا نہیں ہوں گے ۔