پرامن مظاہرین پر تشدد انتہائی ناگوار اور شرمندگی کا باعث ہی: بختاور بھٹو زرداری

پیر 14 اکتوبر 2024 23:07

کراچی (اُردو پوائنٹ اخبارتازہ ترین - آن لائن۔ 14 اکتوبر2024ء) ملکی و عالمی واقعات پر گہری نظر رکھنے والی شہید محترمہ بے نظیر بھٹو کی بڑی صاحبزادی بختاور بھٹو زرداری نے کراچی میں مظاہرین پر تشدد کی مذمت کی ہے۔ بختاور بھٹو زرداری نے سوشل میڈیا ویب سائٹ ایکس پر کراچی میں مظاہرین پر پولیس کے تشدد کی ایک ویڈیو شیئر کی ہے۔

(جاری ہے)

اُنہوں نے یہ ویڈیو شیئر کرتے ہوئے لکھا ہے کہ ہم پُرامن مظاہرین کے ساتھ پُرتشدد سلوک کی مذمت کرتے ہیں۔

بختاور بھٹو زرداری نے مزید لکھا ہے کہ پُرامن مظاہرین پر تشدد انتہائی ناگوار اور شرمندگی کا باعث ہے۔ان کا یہ بھی کہنا ہے کہ وزیرِ داخلہ سندھ نے واقعے کی تحقیقات کی یقین دہانی کروائی ہے اور اس طرح کی بلا اشتعال، ناقابلِ معافی اور بلاجواز بربریت میں ملوث تمام افراد کے خلاف کارروائی کی جائے گی۔