سعودی عرب میں نسوار کے کارخانے پر چھاپہ، 217 کلو نسوار ضبط

پکڑے جانی والی نسوار بازار میں سپلائی کرنے کے لیے تیار تھی،رپورٹ

جمعرات 17 اکتوبر 2024 16:55

سعودی عرب میں نسوار کے کارخانے پر چھاپہ، 217 کلو نسوار ضبط

ریاض(اُردو پوائنٹ اخبارتازہ ترین - این این آئی۔ 17 اکتوبر2024ء) سعودی عرب میں بڑے پیمانے پر غیر قانونی طور پر قائم نسوار کے کارخانے کو سیل کر کے بھاری مقدار میں نسوار ضبط کرلی گئی۔عرب میڈیا رپورٹس کے مطابق جدہ میونسپلٹی کی جانب سے نسوار کے غیر قانونی کارخانے پر چھاپہ مارا گیا جس دوران 217 کلو نسوار ضبط کرلی گئی۔

(جاری ہے)

رپورٹ میں کہا گیا کہ پکڑے جانی والی نسوار بازار میں سپلائی کرنے کے لیے تیار تھی۔

رپورٹ کے مطابق چھاپے کے دوران کئی غیرملکیوں کو حراست میں کیا گیا ہے، ان افراد نے اپنی رہائش گاہ کو نسوار بنانے کا کارخانہ بنا رکھا تھا جب کہ وہاں نسوار کے علاوہ شیشہ فلیور بھی تیار کیے جارہے تھے۔حکام کے مطابق ضبط شدہ نسوار کو تلف کردیا گیا ہے اور غیر ملکیوں کو پولیس کے حوالے کردیا گیا ہے۔