اسلامیہ یونیورسٹی بہاولپورمیں ورلڈ وائلڈ لائف پاکستان ،انٹرنیشنل کلانمیٹ اینڈ سسٹین ایبلٹی انوائرمنٹپروٹیکشن سوسائٹی کے اشتراک سے سیمینار

جمعہ 25 اکتوبر 2024 20:37

بہاولپور (اُردو پوائنٹ اخبارتازہ ترین - اے پی پی۔ 25 اکتوبر2024ء) کلائمیٹ ایکشن 2024 کے عالمی دن کے موقع پر فیکلٹی آف ایگریکلچر اینڈ انوائرمنٹ سائنسز اسلامیہ یونیورسٹی بہاو لپور میں ورلڈ وائلڈ لائف فنڈ پاکستان، انٹرنیشنل سینٹر فار کلائمیٹ چینج، فوڈ سیکیورٹی اینڈ سسٹین ایبلٹی اور انوائرمنٹ پروٹیکشن سوسائٹی کے اشتراک سے ایک سیمینار، آگاہی واک اور شجرکاری مہم کا انعقاد کیا گیا۔

سیمینار کا موضوع اس سال ماحولیاتی ایکشن ڈے کے تھیم موسمیاتی عمل،پائیدار زراعت کے لیے چیلنجز اور مواقع کی مناسبت سے رکھا گیا تھا۔ ماہرین نے اپنی گفتگو میں پاکستان کی زراعت پر موسمیاتی تبدیلی کے اثرات، پائیدار زرعی طریقوں، موسمیاتی تبدیلیوں کے تناظر میں خوراک کے نظام پر سیر حاصل گفتگو کی۔

(جاری ہے)

پروفیسر ڈاکٹر شازیہ انجم ڈین فیکلٹی آف کیمیکل اینڈ بائیولوجیکل سائنسز نے موسمیاتی سمارٹ زراعت پر زور دیا جو پاکستان کے غذائی تحفظ اور ماحولیاتی استحکام کے لیے بہت ضروری ہے۔

پروفیسر ڈاکٹر تنویر حسین ترابی ڈین فیکلٹی آف ایگریکلر اینڈ انوائرمنٹ سائنسزنے کہا کہ پائیدار ترقی کے لیے ماحولیاتی تبدیلی کی تحقیق اور پالیسی کو مربوط کرنا بہت ضروری ہے۔ انہوں نے کلائمیٹ ایکشن ڈے کی تقریبات کے انعقاد میں خصوصی رہنمائی اور تعاون پر وائس چانسلر پروفیسر ڈاکٹر محمد کامران کا شکریہ ادا کیا۔ پروفیسر ڈاکٹر واجد نسیم جتوئی، پروفیسر ڈاکٹر محمد عون ثمر رضا،ڈاکٹرمحمد عدنان بخاری، ڈاکٹر محمد عبداللہ، فیکلٹی ممبران اور طلباؤطالبات نے بڑی تعداد میں کلائمیٹ ایکشن ڈے کی سرگرمیوں میں حصہ لیا۔