حماد اظہر ، مراد سعید ، اسلم اقبال سمیت کئی رہنمائوں کے ناقابل ضمانت وارنٹ گرفتاری جاری

انسداد دہشتگردی عدالت نے 7 نومبر تک ملزمان کو گرفتار کر کے پیش کرنے کے احکامات جاری کر دئیے

ہفتہ 2 نومبر 2024 16:55

حماد اظہر ، مراد سعید ، اسلم اقبال سمیت کئی رہنمائوں کے ناقابل ضمانت ..

لاہور(اُردو پوائنٹ اخبارتازہ ترین - این این آئی۔ 02 نومبر2024ء) انسدادِ دہشتگردی کی خصوصی عدالت نے نو مئی کو جلائو گھیرائو کے مقدمات میں پی ٹی آئی رہنمائوںحماد اظہر ، مراد سعید ، میاں اسلم اقبال سمیت دیگر کئی رہنمائوں کے ناقابل ضمانت وارنٹ گرفتاری جاری کردئیے۔

(جاری ہے)

انسدادِ دہشتگردی کی خصوصی عدالت کے جج ارشد جاوید نے 9 مئی کو جلا ئوگھیرا ئومقدمات کی سماعت کی ۔ عدالت نے تھانہ گلبرگ اور دیگر مقدمات میں ورانٹ گرفتاری جاری کیے ۔عدالت نے مراد سعید، میاں اسلم اقبال، حماد اظہر، حافظ فرحت عباس، واثق قیوم، زبیر نیازی اور حامد رضا گیلانی کے ناقابل ضمانت وارنٹ گرفتاری جاری کردئیے۔ عدالت نے 7 نومبر تک ملزمان کو گرفتار کر کے پیش کرنے کے احکامات جاری کئے ۔