ائیر انڈیا کی دبئی سی دہلی جانے والی پرواز سے کارتوس برآمد

اتوار 3 نومبر 2024 09:50

نئی دہلی (اُردو پوائنٹ اخبارتازہ ترین - اے پی پی۔ 03 نومبر2024ء) ائیر انڈیا کی دبئی سے نئی دہلی پہنچنے والی پرواز کی ایک سیٹ کی جیب سے کارتوس برآمد ہوا ہے۔

(جاری ہے)

انڈیا کی خبر رساں ایجنسی پی ٹی آئی کے مطابق بھارتی پولیس اہلکار کے مطابق 27اکتوبر کو ائیر اں ڈیا کا عملہ جب جہاز کی معمول کی صفائی ستھرائی کر رہا تھا تو انہیں ایک سیٹ کی جیب سے کارتوس ملا، جو ایکٹیو حالت میں تھا، اس معاملے پر اسلحہ ایکٹ کے تحت ایک ایف آئی آر بھی درج کر لی گئی ہے۔

ائیر انڈیا کے ترجمان نے اس بات کی تصدیق کرتے ہوئے بتایا ہے کہ دبئی سے نئی دہلی آنے والی پرواز اے آئی 916 کی سیٹ کی جب سے ایک کارتوس بر آمد ہوا تاہم اس دوران تمام مسافر محفوظ رہے۔ انہوں نے کہا کہ اس کے بعد ائیر انڈیا کی جانب سے ایئر پورٹ پولیس کو شکایت درج کروائی گئی ہے۔